News October 25, 2024
లక్ష్యాలను సాధించేందుకు సిద్ధంగా ఉండాలి: కడప కలెక్టర్
స్వర్ణాంధ్ర – 2047 లక్ష్యాలను సాధించేందుకు కార్యాచరణ ప్రణాళికలతో సిద్ధంగా ఉండాలని కడప జిల్లా కలెక్టర్ శ్రీధర్ అన్నారు. రాయచోటి కలెక్టరేట్ నుంచి ఆయన అధికారులతో టెలి కాన్ఫరెన్స్ నిర్వహించారు. జిల్లాకు సంబంధించిన లక్ష్యాలను నిర్దేశించుకోవాలని, వాటిని చేరుకునేందుకు ప్రణాళికలు సిద్ధం చేసుకుని పూర్తి స్థాయిలో సన్నద్ధం కావాలని అధికారులను ఆదేశించారు.
Similar News
News January 2, 2025
ఇడుపులపాయ: IIIT విద్యార్థులకు సంక్రాంతి సెలవులు ఎప్పుడంటే.!
కడప జిల్లా వేంపల్లి మండలంలోని ఇడుపులపాయ ఆర్కే వ్యాలీ IIIT విద్యార్థులకు ఈనెల 11వ తేదీ నుంచి 19వ తేదీ వరకు సంక్రాంతి సెలవులు ప్రకటించినట్లు, ట్రిపుల్ ఐటీ డైరెక్టర్ గుప్తా తెలిపారు. గురువారం స్థానిక ట్రిపుల్ ఐటీలో ఆయన మాట్లాడుతూ.. సంక్రాంతి పండుగ సందర్భంగా విద్యార్థులకు వారం రోజులపాటు సెలవులను ప్రకటించామన్నారు.
News January 2, 2025
కడప పట్టణాన్ని నిర్మించిన రాజు మీకు తెలుసా?
దక్షిణ భారతదేశంలో అతి ప్రాచీనమైన పట్టణాలలో కడప పట్టణం ఒకటి. పెన్నా నది ఒడ్డున మొదటి కడప పట్టణాన్ని తమిళ రాజు కరికాల చోళుడు నిర్మించినట్లు తమిళ సంఘ సాహిత్యంలోని తల్కాపియం అనే గ్రంథం ఆధారంగా తెలుస్తుంది. కరికాల చోళుని పేరు మీదనే కడప అనే పేరు వచ్చింది. అప్పటి జిల్లా ప్రధాన పరిపాలనా కేంద్రం సిద్ధపటం కోట. ఈ కోట కూడా పెన్నా నది ఒడ్డునే ఉండడం విశేషం. కంచి ఏకాంబరేశ్వరబాబు ఆలయంలో వీరి విగ్రహం ఉంది.
News January 2, 2025
కడప జిల్లాలో రూ.14 కోట్ల మద్యం తాగేశారు
నూతన సంవత్సరానికి మందు బాబులు ఫుల్ కిక్‌తో స్వాగతం పలికారు. నూతన సంవత్సరాన్ని పురస్కరించుకొని కడప జిల్లాలో డిసెంబర్ 30, 31 జనవరి 1న రూ.14,51,06,769 మద్యాన్ని మందు బాబులు తాగేశారు. వీటిలో లిక్కర్ 18,586 కేసులు, బీర్లు 8586 కేసులు అమ్మకాలు జరిగాయని జిల్లా ప్రొహిబిషన్ అండ్ ఎక్సైజ్ సూపరింటెండెంట్ రవికుమార్ తెలిపారు.