News October 25, 2024
చనిపోయిన మెదడును తిరిగి బతికించిన చైనా వైద్యులు
చైనా పరిశోధకులు సరికొత్త ఘనత సాధించారు. చనిపోయి గంట గడచిన పంది మెదడును తిరిగి బతికించారు. దీని కోసం ‘ఎక్స్ వీవో బ్రెయిన్ మెయింటెనెన్స్’ అనే సాంకేతికతను వాడారు. గుండెపోటుతో మృతిచెందిన వారిని బతికించడంలో ఈ అధ్యయనం ఉపకరిస్తుందని ఆశాభావం వ్యక్తం చేశారు. గుండెపోటు వచ్చిన వారిలో బ్రెయిన్‌కు రక్తం సరఫరా నిలిచిపోవడంతో మెదడు కణాలు తీవ్రంగా దెబ్బతింటాయి. మరణం సంభవించడం వెనుక అది ప్రధాన కారణం.
Similar News
News October 25, 2024
అసెంబ్లీ, హైకోర్టు నిర్మాణాలకు జనవరిలో టెండర్లు
AP: అమరావతిలో నిర్మాణ పనులకు నవంబర్, డిసెంబర్‌లో టెండర్లు పిలుస్తామని మంత్రి నారాయణ తెలిపారు. రోడ్లు, లేఅవుట్లు, కొండవీటి, పాలవాగు, కెనాల్స్, కరకట్ట రోడ్లకు టెండర్లు ఆహ్వానిస్తున్నట్లు చెప్పారు. సచివాలయ భవనాల నిర్మాణాలకు డిసెంబర్‌లో, అసెంబ్లీ, హైకోర్టు నిర్మాణాలకు వచ్చే ఏడాది JAN నెలాఖరులో టెండర్లు ఖరారు చేస్తామన్నారు. అమరావతి రైల్వే లైన్‌కు కేంద్రం ఆమోదం తెలపడం పట్ల మంత్రి హర్షం వ్యక్తం చేశారు.
News October 25, 2024
ఎన్నికలకు కమిటీలను ప్రకటించిన బీజేపీ
TG: ఎమ్మెల్సీ, స్థానిక సంస్థల ఎన్నికలు, ఆందోళన కార్యక్రమాలపై బీజేపీ కమిటీలను ఏర్పాటు చేసింది. ఈ కమిటీల్లో ఎంపీ అరవింద్, పాల్వాయి హరీశ్, ఏవీఎన్ రెడ్డి, మహేశ్వర్ రెడ్డి, డీకే అరుణ, జి.నగేశ్, ఈటెల రాజేందర్, ఎంపీ కొండా విశ్వేశ్వర్ రెడ్డి, కాటిపల్లి వెంకట రమణారెడ్డి, రాకేశ్ రెడ్డి, బూర నర్సయ్య గౌడ్ తదితరులకు చోటు లభించింది. రెండు, మూడు రోజుల్లో ఎమ్మెల్సీ అభ్యర్థుల్ని పార్టీ ప్రకటించనుంది.
News October 25, 2024
పుస్తకాల బరువుతో పిల్లల్లో ఆ సమస్యలు!
పుస్తకాల బ్యాగుల రూపంలో పిల్లల నడుముపై భారాన్ని వేయడం దీర్ఘకాలంలో ప్రమాదకరమని ముంబై లీలావతి ఆస్పత్రి వైద్యుడు సమీర్ రూపారెల్ పేర్కొన్నారు. ‘బ్యాగుల బరువు వల్ల ప్రతి 10మందిలో 8మంది చిన్నారులకి వెన్ను సమస్యలు వస్తున్నాయి. బ్యాగుల బరువు వారి శరీర బరువులో 15శాతాన్ని మించకూడదు. అధిక బరువు వల్ల మెడ, భుజాల నొప్పులు, వెన్ను వంగిపోయే స్కోలియోసిస్ వంటి పరిస్థితులూ తలెత్తవచ్చు’ అని హెచ్చరించారు.