News October 26, 2024
‘కూలీ’ తర్వాత తలైవాతో నెల్సన్ సెకండ్ మూవీ
సూపర్ స్టార్ రజినీకాంత్తో మరోసారి సినిమా చేసేందుకు నెల్సన్ సిద్ధమయ్యారు. ప్రస్తుతం తలైవా లోకేశ్ కనగరాజ్తో కలిసి ‘కూలీ’ సినిమా తీస్తున్నారు. ఈ షూటింగ్ పూర్తికాగానే నెల్సన్ ప్రాజెక్ట్ మొదలవుతుందని సినీవర్గాలు పేర్కొన్నాయి. అయితే, అది కచ్చితంగా ‘జైలర్-2’ అని టాక్ వినిపిస్తోంది. ఇప్పటికే వీరిద్దరి కాంబోలో వచ్చిన ‘జైలర్’ మంచి విజయాన్ని అందుకోగా సీక్వెల్ కోసం ఫ్యాన్స్ ఎదురుచూస్తున్నారు.
Similar News
News October 26, 2024
సినిమా ఛాన్స్లు రాకపోయినా ప్రశ్నిస్తూనే ఉంటా: ప్రకాశ్ రాజ్
సమాజంలో జరిగే తప్పులను చూస్తూ ఊరుకోలేనని నటుడు ప్రకాశ్ రాజ్ అన్నారు. తాను సినిమా అవకాశాలు కోల్పోయినా ప్రశ్నించడం ఆపనని ఓ ఇంటర్వ్యూలో చెప్పారు. ‘నా కుమారుడి (సిద్ధు) మరణంతో బాధలో కూరుకుపోయా. కానీ నాకు కుటుంబం ఉంది. వృత్తి ఉంది. నాకంటూ మనుషులున్నారు. జీవితం ఉంది. అందుకే తిరిగి నిలబడ్డా. నా టాలెంట్ చూసి ప్రజలు ఆదరించారు. వారి ప్రేమ వల్లే ఇంకా నటుడిగా కొనసాగుతున్నా’ అని ఆయన చెప్పుకొచ్చారు.
News October 26, 2024
RTCలో 7,545 ఉద్యోగాలు!
APSRTCలో ఉద్యోగాల భర్తీకి ప్రభుత్వం సిద్ధమైంది. సంస్థలో ఖాళీల వివరాలను ఆర్టీసీ యాజమాన్యం ప్రభుత్వానికి సమర్పించింది. 18 కేటగిరీల్లో 7,545 పోస్టులు ఖాళీగా ఉన్నాయని తెలిపింది. 3,673 రెగ్యులర్ డ్రైవర్, 1,813 కండక్టర్, 579 అసిస్టెంట్ మెకానిక్, శ్రామిక్, 207 ట్రాఫిక్ సూపర్వైజర్ ట్రైనీలు, 179 మెకానికల్ సూపర్వైజర్ ట్రైనీలు, 280 డిప్యూటీ సూపరింటెండెంట్, 656 జూనియర్ అసిస్టెంట్ పోస్టులు ఉన్నట్లు సమాచారం.
News October 26, 2024
ALTT ఓటీటీపై ఫిర్యాదులు
ALTT ఓటీటీపై చర్యలు తీసుకోవాలని ముంబై పోలీసులకు సమాచార మాజీ కమిషనర్ ఉదయ్ మహుర్కర్ ఆధ్వర్యంలోని సేవ్ కల్చర్-సేవ్ భారత్ ఫౌండేషన్ ఫిర్యాదు చేసింది. సదరు OTT అసభ్యకర కంటెంట్ను అందుబాటులోకి తెచ్చి పోక్సో, ఐటీ చట్టాల్ని ఉల్లంఘిస్తోందని ఫిర్యాదులో పేర్కొంది. లైంగిక-అసభ్యకరమైన కంటెంట్ అందుబాటులో ఉండడమే దేశంలో అత్యాచారాలకు ప్రధాన కారణమని ఉదయ్ పేర్కొన్నారు.