News October 27, 2024
సుమతీ శతకం.. తాత్పర్యం
కనకపు సింహాసనమున
శునకము గూర్చుండబెట్టి శుభలగ్నమునం
దొనరగ బట్టము గట్టిన
వెనుకటి గుణమేల మాను వినురా సుమతీ!
తాత్పర్యం: బంగారపు సింహాసనంపై కుక్కను కూర్చోబెట్టినా దాని బుద్ధిని విడిచిపెట్టదు. అలాగే హీనుని ఉన్నత స్థానంలో కూర్చోబెట్టినా అతని బుద్ధి మారదు.
Similar News
News October 27, 2024
2 నుంచి సాగర్-శ్రీశైలం మధ్య లాంచీ జర్నీ
పచ్చని కొండలు, కృష్ణమ్మ పరవళ్లు, నల్లమల అటవీ ప్రాంతం గుండా ఆహ్లాదకరంగా సాగే నాగార్జున సాగర్-శ్రీశైలం లాంచీ ప్రయాణం NOV 2 నుంచి పునః ప్రారంభం కానుంది. ఒకవైపు టికెట్ ధర పెద్దలకు ₹2,000, పిల్లలకు ₹1,600గా నిర్ణయించారు. వెళ్లి రావడానికి పెద్దలకు ₹3,000, పిల్లలకు ₹2,400 చెల్లించాల్సి ఉంటుంది. ఆసక్తి ఉన్నవారు 7997951023, 9848540371, 9848125720 నంబర్లలో సంప్రదించాలని అధికారులు సూచించారు.
News October 27, 2024
పోలీస్ శాఖలో విభాగాలు.. వారి విధులివే
పోలీస్ శాఖలో సివిల్, ఆర్మ్డ్ రిజర్వ్(AR), స్పెషల్ పోలీస్ విభాగాలున్నాయి. పోలీస్ స్టేషన్లలో ఉంటూ నేర విచారణ, శాంతిభద్రతల పరిరక్షణ విధులను సివిల్ పోలీసులు చేస్తుండగా, వారికి AR సిబ్బంది బందోబస్తు ఇస్తారు. స్పెషల్ పోలీసులు స్టేషన్ బయట శాంతిభద్రతల విధులు, ఇతర రాష్ట్రాల్లో ఎన్నికల విధులు నిర్వహిస్తారు. తమను ఐదేళ్లలో AR, మరో ఐదేళ్లలో సివిల్ కానిస్టేబుళ్లుగా మార్చాలని TGSP సిబ్బంది కోరుతున్నారు.
News October 27, 2024
టీజీఎస్పీ కానిస్టేబుళ్ల డిమాండ్లు ఇవే
TG: రాష్ట్ర స్పెషల్ పోలీస్(TGSP) కానిస్టేబుళ్లు ఆందోళనలతో హోరెత్తిస్తున్నారు. సివిల్ పోలీసుల మాదిరి 3-5ఏళ్లు ఒకే చోట పనిచేయించాలని, స్థానికత ఆధారంగా పోస్టింగ్ ఇవ్వాలని, ఏక్ స్టేట్- ఏక్ పోలీస్ విధానాన్ని అమలు చేయాలని కోరుతున్నారు. 15రోజులు డ్యూటీ చేస్తే 4రోజులు సెలవుల విధానాన్ని ప్రభుత్వం రద్దు చేసి 26రోజుల డ్యూటీకి 4రోజుల సెలవును ప్రకటించింది. ఆందోళనలతో ఈ ఉత్తర్వులను ఉపసంహరించుకుంది.