News October 28, 2024
రైతులను దివాలా తీయిస్తారా?: KTR
TG: రైతుల నుంచి ప్రభుత్వం ధాన్యం కొనడం లేదన్న మీడియా కథనాలపై మాజీ మంత్రి KTR స్పందించారు. ‘దసరాకే కాదు. దీపావళికి కూడా రైతులను దివాలా తీయిస్తారా? కొనుగోలు కేంద్రాల్లో రోజుల తరబడి ధాన్యం మూలుగుతున్నా కొనాలని అధికారులకు ఆదేశాలు అందవాయే. రాజకీయాలపై పెట్టిన దృష్టి ధాన్యం కొనుగోలుపై ఎందుకు పెట్టరు? రాజకీయాల్లో రాక్షసక్రీడలను మాని రైతులను ఆదుకోవడంపై దృష్టి కేంద్రీకరించండి’ అని కోరారు.
Similar News
News October 28, 2024
DMK, AIDMKలో విజయ్ ముంచేది దేనిని?
యాక్టర్ విజయ్ TVK పార్టీ TN రాజకీయ సమీకరణాలను మార్చేస్తోంది. DMK, AIDMKలో ఎవరి కొంప ముంచుతుందోనన్న చర్చ నెలకొంది! ఇన్నాళ్లూ DMKకు అండగా ఉన్న క్రిస్టియన్, దళిత ఓట్లలో మెజారిటీ TVKకు వెళ్తాయని అంచనా. జయలలిత తర్వాత పటిష్ఠ నాయకత్వం లేక నైరాశ్యంలో ఉన్న AIDMK యూత్, ఫ్యాన్ ఫాలోయింగ్ వల్ల న్యూట్రల్ ఓట్లూ కొంత టర్నవుతాయి. ఇది అసెంబ్లీలో 37% నుంచి లోక్సభలో 26%కి ఓట్లు పడిపోయిన DMKకే నష్టం కావొచ్చని అంచనా.
News October 28, 2024
TVK అధినేత విజయ్కు పవన్ విషెస్
తమిళ స్టార్ హీరో జోసెఫ్ విజయ్ తమిళగ వెట్రి కళగం పార్టీని అధికారికంగా ప్రకటించిన నేపథ్యంలో ఆయనకు జనసేనాని పవన్ కళ్యాణ్ విషెస్ చెప్పారు. సాధువులు & సిద్ధుల భూమి అయిన తమిళనాడులో రాజకీయ యాత్రను ప్రారంభించినందుకు శుభాకాంక్షలు చెప్పారు. కాగా నిన్న విజయ్ నిర్వహించిన టీవీకే పార్టీ మహా సభకు లక్షలాదిగా జనం తరలి వచ్చిన విషయం తెలిసిందే.
News October 28, 2024
గణపతి పూజకు మోదీ రావడంపై CJI చంద్రచూడ్ వివరణ ఇదే
CJI, హైకోర్టు CJల ఇళ్లకు PM, CMలు మర్యాదపూర్వకంగా వెళ్తుంటారని CJI DY చంద్రచూడ్ అన్నారు. కొత్తగా బాధ్యతలు స్వీకరించినప్పుడు, పిల్లల పెళ్లిళ్లు, శుభకార్యాలు, కోర్టు భవనాల నిర్మాణాల కోసం జడ్జిలు, పొలిటీషియన్స్ తరచుగా కలుస్తారన్నారు. ఎవరి బాధ్యతలేంటో వారికి తెలుసని, కోర్టు మ్యాటర్స్ అసలు డిస్కస్ చేయరని స్పష్టం చేశారు. గణపతి పూజకు మోదీ తమ ఇంటికి రావడంపై విమర్శలు అనవసరం, అర్థరహితమని వెల్లడించారు.