News October 29, 2024

హాజీపూర్‌: బుగ్గగట్టులో గొర్రెల మందపై పెద్దపులి దాడి

మంచిర్యాల జిల్లా హాజీపూర్‌ మండలంలో పులి సంచారం కలకలం రేపుతోంది. మండలంలోని బుగ్గగట్టులో గొర్రెల మందపై పెద్దపులి దాడి చేయడంతో సమీప గ్రామాల ప్రజలు తీవ్ర భయాందోళన చెందుతున్నారు. గొర్రెల మందపై పులి దాడి చేసిన సమాచారంతో అటవీ అధికారులు ఘటనా స్థలానికి చేరుకున్నారు. పాదముద్రల ఆధారంగా పెద్దపులిగా గుర్తించారు. పులి సంచారం నేపథ్యంలో ప్రజలు అప్రమత్తంగా ఉండాలని సూచించారు.