News October 29, 2024
NZB: డిసెంబర్ 9 లోగా ప్రభుత్వానికి, హైకోర్టుకు నివేదిక ఇస్తాం: జి.నిరంజన్
స్థానిక సంస్థలలో రిజర్వేషన్ల దామాషాపై నవంబర్ 13వరకు సర్వే పూర్తవుతుందని, అనంతరం ఆన్లైన్లో డేటాను నిక్షిప్తం చేసి డిసెంబర్9లోగా ప్రభుత్వానికి, రాష్ట్ర హైకోర్టుకు నివేదిక అందజేస్తామని తెలంగాణ బీసీ కమిషన్ ఛైర్మన్ జి.నిరంజన్ తెలిపారు. కులసంఘాలు, ప్రజలు ఏవైనా సూచనలు, సలహాలు ఇవ్వాలనుకుంటే నవంబర్ 13తేదీ సాయంత్రం 5 గంటల లోగా హైదరాబాద్లోని బీసీ కమిషన్ కార్యాలయంలో పోస్ట్ ద్వారా కూడా తెలపవచ్చన్నారు.
Similar News
News October 31, 2024
నిజామాబాద్: బాలికపై అత్యాచారం.. నిందితుడికి జీవితఖైదు
బాలికపై అత్యాచారం చేసిన నిందితుడికి జీవితఖైదు విధించారు. బోయిన్పల్లి CI, SI వివరాల ప్రకారం.. నిజామాబాద్ జిల్లా డిచ్పల్లికి చెందిన సాయిలు సికింద్రాబాద్లోని ఓ ఫంక్షన్హల్లో ఎలక్ట్రీషియన్గా పనిచేస్తున్నాడు. అక్కడ హౌస్కింపింగ్ చేసే వ్యక్తి కూతురిపై 2019లో సాయిలు పలుసార్లు అత్యాచారం చేశాడు. 2020లో బాలిక గర్భందాల్చడంతో పోలీసులకు ఫిర్యాదు చేశారు. దీంతో నాంపల్లి కోర్టు జీవిత ఖైదు విధించింది.
News October 31, 2024
జల్లాపల్లి: పేకాట స్థావరంపై దాడి.. ఐదుగురు అరెస్ట్
నిజామాబాద్ జిల్లా పొతంగల్ మండలంలోని జల్లాపల్లి ఫారం గ్రామంలో పేకాట స్థావరంపై దాడి చేసినట్లు ఎస్ఐ సందీప్ తెలిపారు. పేకాట కేంద్రంలో ఐదుగురు పేకాట రాయుళ్లను అరెస్ట్ చేశామన్నారు. వారి వద్ద నుంచి రూ.7,350 నగదును స్వాధీనం చేసుకున్నామన్నారు. పేకాట ఆడితే కఠిన చర్యలు తప్పవని హెచ్చరించారు. గ్రామాల్లో పేకాట ఆడితే సమాచారం అందించాలని ఎస్ఐ కోరారు.
News October 30, 2024
ఎల్లారెడ్డి: ‘డబుల్ బెడ్ రూమ్ ఇండ్లు మంజూరు చేయాలి’
ఎల్లారెడ్డి నియోజకవర్గానికి నాలుగువేల డబుల్ బెడ్ రూమ్ ఇండ్లు మంజూరు చేయాలని ఎల్లారెడ్డి ఎమ్మెల్యే మదన్మోహన్రావు కోరారు. ఆయన ఈ విషయంలో రాష్ట్ర గృహ నిర్మాణ శాఖ మంత్రి పొంగిలేటి శ్రీనివాసరెడ్డికి అధికారికంగా లేఖ రాశారు. రాష్ట్రంలో అత్యధిక వెనుకబడిన నియోజకవర్గం ఎల్లారెడ్డి అని ఆయన తెలిపారు. ఇల్లు లేని నిరుపేదలు ఎంతోమంది ఉన్నారని ఆయన లేఖలో పేర్కొన్నారు.