News October 30, 2024
హర్షసాయికి హైకోర్టులో భారీ ఊరట
ప్రముఖ యూట్యూబర్ హర్షసాయికి హైకోర్టులో భారీ ఊరట లభించింది. ఆయనకు ముందస్తు బెయిల్ మంజూరు చేస్తూ కోర్టు ఉత్తర్వులు జారీ చేసింది. హర్షసాయి పిటిషన్పై ఇవాళ ధర్మాసనం విచారణ చేపట్టింది. కాగా హర్షసాయి తన దగ్గర రూ.2 కోట్లు తీసుకోవడమే కాకుండా లైంగికంగా వేధించాడంటూ ఓ నటి పోలీసులకు ఫిర్యాదు చేసిన విషయం తెలిసిందే. దీంతో ఆయనపై పోలీసులు కేసు నమోదు చేశారు. అప్పటి నుంచి హర్ష పరారీలోనే ఉన్నారు.
Similar News
News October 31, 2024
కరెన్సీ: ఏ నోటు తయారీకి ఎంత ఖర్చు?
మనం నిత్యం ఉపయోగించే ₹10, ₹20, ₹50, ₹100 నోట్ల తయారీకి ఎంత ఖర్చవుతుందని ఎప్పుడైనా ఆలోచించారా?. ఇటీవల ఆర్బీఐ విడుదల చేసిన నివేదిక ప్రకారం ₹10 నోటు తయారీకి ₹0.96 ఖర్చవుతుంది. అదే ₹20 నోటుకి ₹0.95 *₹50 నోటుకి ₹1.13 *₹100 నోటుకి ₹1.77 *₹200 నోటుకి ₹2.37 *అలాగే ₹500 నోటుకి ₹2.29 ఖర్చవుతుంది. ₹200 నోటు తయారీకి ₹500 నోటు తయారీ కంటే ఖర్చు ఎక్కువ కావడం గమనార్హం.
News October 31, 2024
RCB రిటెన్షన్ ఫైనల్ లిస్ట్ ఇదే?
తమ రిటెన్షన్ లిస్ట్పై RCB ఓ నిర్ణయానికి వచ్చినట్లు తెలుస్తోంది. ఈ క్రమంలోనే ఆ ఫ్రాంచైజీ సోషల్ మీడియాలో ఓ పజిల్ను పోస్ట్ చేసింది. ‘పజిల్లో తమ ఆటగాళ్ల రిటెన్షన్లు దాగి ఉన్నాయి, కనుక్కోండి’ అంటూ హింట్ ఇచ్చింది. కాగా ఈ పజిల్లో మ్యాక్స్వెల్, కోహ్లీ, గ్రీన్, పటీదార్, డుప్లెసిస్, విల్ జాక్స్, సిరాజ్, యశ్ దయాల్, అనూజ్ రావత్ పేర్లు దాగి ఉన్నాయి. వీరిలో కొందరిని కచ్చితంగా రిటైన్ చేసుకుంటుందని సమాచారం.
News October 31, 2024
గుడ్.. బాగా చేశారు: సీఎం చంద్రబాబు
AP: విజయవాడలో ఇటీవల నిర్వహించిన అమరావతి డ్రోన్ సమ్మిట్ను విజయవంతం చేశారంటూ పలువురు అధికారులను సీఎం చంద్రబాబు మెచ్చుకున్నారు. ఈ నెల 22న విజయవాడ పున్నమి ఘాట్ వద్ద కృష్ణా తీరాన 5,500లకు పైగా డ్రోన్లతో నిర్వహించిన షో అద్భుతంగా ఉందని కొనియాడారు. ఎక్కడా ఎలాంటి అంతరాయాలు లేకుండా సమన్వయంతో అధికారులు వ్యవహరించారని, ఇదే స్ఫూర్తితో మున్ముందు మరిన్ని కార్యక్రమాలు చేపట్టాలని సీఎం సూచించారు.