News October 31, 2024
స్టీల్ ప్లాంట్ కోసం ఉద్యమిస్తాం: సీపీఐ రామకృష్ణ
AP: విశాఖలో ప్రజా, కార్మిక సంఘాలు రౌండ్ టేబుల్ సమావేశం నిర్వహించాయి. స్టీల్ ప్లాంట్ ప్రభుత్వరంగంలోనే ఉండాలని నేతలు డిమాండ్ చేశారు. అనకాపల్లిలో మిట్టల్ స్టీల్ ప్లాంట్‌ను తెరపైకి తేవడం వెనుక దురుద్దేశం ఉందని సీపీఐ రాష్ట్ర కార్యదర్శి రామకృష్ణ అన్నారు. స్టీల్ ప్లాంట్ పరిరక్షణ కోసం ఉద్యమిస్తామని తెలిపారు. పోలవరం, స్టీల్ ప్లాంట్ విషయంలో ప్రభుత్వాలు పొరపాటు చేస్తే తిరుగుబాటు తప్పదని హెచ్చరించారు.
Similar News
News November 17, 2024
తెలంగాణ స్టేట్ పోలీస్ ఇకపై తెలంగాణ పోలీస్
TG: రాష్ట్ర పోలీస్ యూనిఫాంలో కీలక మార్పులకు ప్రభుత్వం నిర్ణయం తీసుకుంది. ఇప్పటివరకు యూనిఫాంలోని బ్యాడ్జీలో తెలంగాణ స్టేట్ పోలీస్(TSP) అనే అక్షరాలు ఉండేవి. ఇకపై తెలంగాణ పోలీస్(TGP)గా మార్చాలని హోంశాఖ కార్యదర్శి రవిగుప్తా ఉత్తర్వులు జారీ చేశారు. అలాగే పోలీసులకు సంబంధించిన TSSP స్థానంలో TGSPతో పాటు TSPSకు బదులు TGPS అనే అక్షరాల బ్యాడ్జీలు వాడాలని ఆదేశించారు.
News November 17, 2024
అంచనాలను తలకిందులు చేసి.. ENGపై విండీస్ విజయం
ఇంగ్లండ్‌పై నాలుగో టీ20లో విండీస్ 5 వికెట్ల తేడాతో ఘన విజయం సాధించింది. 219 పరుగుల లక్ష్యాన్ని 19 ఓవర్లలోనే ఛేదించింది. టీ20ల్లో ఆ జట్టుకు ఇది రెండో అత్యధిక రన్ ఛేజ్. విండీస్ 2 ఓవర్లకు 5/0 స్కోర్ వద్ద విన్నింగ్ పర్సెంటేజ్ కేవలం 8.37 శాతమే ఉంది. విన్ లూయిస్(68), షై హోప్(54) విజృంభణతో అంచనాలను తలకిందులు చేసి భారీ లక్ష్యాన్ని ఛేజ్ చేసింది. కాగా 5 టీ20ల సిరీస్‌ను ఇంగ్లండ్ 3-1తో కైవసం చేసుకుంది.
News November 17, 2024
GET READY: సాయంత్రం 6.03 గంటలకు
దేశవ్యాప్తంగా సినీ అభిమానులు ఆసక్తిగా ఎదురుచూస్తున్న రోజు వచ్చేసింది. ఐకాన్ స్టార్ అల్లు అర్జున్ నటించిన ‘పుష్ప-2’ ట్రైలర్ ఇవాళ విడుదల కానుంది. బిహార్ పట్నాలో జరగనున్న ఈవెంట్‌లో సాయంత్రం 6.03 గంటలకు ట్రైలర్‌ను లాంచ్ చేయనున్నారు. పుష్ప-1 బ్లాక్‌బస్టర్‌ హిట్ కావడంతో పుష్ప-2పై భారీ అంచనాలున్నాయి. మరి మీరూ ట్రైలర్ కోసం ఎదురుచూస్తున్నారా?