News October 31, 2024
బట్లర్‌కు ఝలక్ ఇచ్చిన రాజస్థాన్
రాజస్థాన్ రాయల్స్ తమ రిటెన్షన్ జాబితాను ప్రవేశపెట్టింది. కెప్టెన్ సంజూ శాంసన్‌ (రూ.18 కోట్లు)తోపాటు యశస్వీ జైస్వాల్ (రూ.18 కోట్లు), రియాన్ పరాగ్ (రూ.14 కోట్లు), ధ్రువ్ జురేల్ (రూ.14 కోట్లు), హెట్మయర్ (రూ.11 కోట్లు), సందీప్ శర్మ (రూ.4 కోట్లు)లను రిటైన్ చేసుకుంది. ఆ జట్టు విధ్వంసకర ఓపెనర్ జోస్ బట్లర్‌ను వేలానికి వదిలేసింది.
Similar News
News November 16, 2024
BJP, కాంగ్రెస్‌పై ECI నజర్.. నడ్డా, ఖర్గేకు లేఖలు
ఎన్నికల నియమావళి ఉల్లంఘన ఫిర్యాదులపై ECI చర్యలు తీసుకుంది. వెంటనే వివరణ ఇవ్వాలని BJP చీఫ్ జేపీ నడ్డా, INC ప్రెసిడెంట్ మల్లికార్జున ఖర్గేకు లేఖలు రాసింది. NOV 18వ తేదీ మధ్యాహ్నం ఒంటిగంట లోపు అధికారికంగా స్పందించాలని ఆదేశించింది. లోక్‌సభ ఎన్నికల టైమ్‌లోనూ ECI సీరియసైన సంగతి తెలిసిందే. మహారాష్ట్ర, ఝార్ఖండ్ ఎన్నికల ప్రచారంలో ఈ రెండు పార్టీలు దూకుడుగా విమర్శలు చేసుకుంటున్నాయి.
News November 16, 2024
ఎన్నికల స్లోగన్.. అదే పార్టీల‌కు గ‌న్‌(1/2)
ఓట‌ర్ల‌ను ఆక‌ర్షించ‌డానికి, ప్ర‌త్య‌ర్థుల‌ను కార్నర్ చేయడానికి పార్టీలు అనుస‌రించే వ్యూహాల్లో ‘నినాదం’ కీల‌కం. MH, ఝార్ఖండ్ ఎన్నికల్లో BJP, కాంగ్రెస్ సంధించుకున్న నినాదాలపై ఇప్పుడు చర్చ నడుస్తోంది. అవి: ఏక్ హైతో సేఫ్ హై(ఒక్క‌టిగా ఉంటే సుర‌క్షితంగా ఉంటాం-మోదీ) *బ‌టేంగే తో క‌టేంగే(విడిపోతే న‌ష్ట‌పోతాం- UP CM) *భ‌య‌ప‌డొద్దు- రాహుల్ గాంధీ *భ‌య‌ప‌డితే చ‌స్తారు- INC *రోటీ-బేటీ-ఔర్ మ‌ట్టి (ఝార్ఖండ్ BJP)
News November 16, 2024
Politics: నినాదం వెనుక రాజ‌కీయం(2/2)
కాంగ్రెస్ ఉద్ధృతంగా డిమాండ్ చేస్తున్న కుల‌గ‌ణ‌నకు కౌంట‌ర్ ఇవ్వ‌డానికి PM మోదీ ఏక్ హైతో సేఫ్ హై పిలుపునిచ్చారు. మ‌త‌ప‌ర‌మైన కోణంలో UP CM యోగి బ‌టేంగే తో క‌టేంగే నినాదమిచ్చారు. BJP విద్వేషపూరిత రాజ‌కీయాల‌ను ఎదుర్కొవ‌డానికి భ‌య‌ప‌డొద్దు, భ‌య‌ప‌డితే చ‌స్తారు అంటూ కాంగ్రెస్ నిన‌దించింది. ఝార్ఖండ్‌లో చొర‌బాటుదారుల్ని ఎన్నికల అంశంగా మార్చి రోటీ-బేటీ-ఔర్ మ‌ట్టి అంటూ గిరిజ‌నుల‌పై BJP స్లోగన్ వ‌దిలింది.