News November 1, 2024
కృష్ణా: బీటెక్ పరీక్షల రివైజ్డ్ షెడ్యూల్ విడుదల
కృష్ణా యూనివర్సిటీ క్యాంపస్ కళాశాలలో బీటెక్ చదివే విద్యార్థులు రాయాల్సిన 7వ (Y20,Y21 బ్యాచ్‌లు) సెమిస్టర్ రెగ్యులర్&సప్లిమెంటరీ థియరీ పరీక్షల రివైజ్డ్ షెడ్యూల్ విడుదలైంది. ఈ పరీక్షలు రాసే విద్యార్థులు నవంబర్ 4లోపు ఎలాంటి అపరాధరుసుము లేకుండా ఫీజు చెల్లించవచ్చని పరీక్షల విభాగం తెలిపింది. నవంబర్ 25 నుంచి ఈ పరీక్షలు నిర్వహిస్తామని, ఫీజు వివరాలకై https://kru.ac.in/ అధికారిక వెబ్‌సైట్ చూడాలని కోరింది.
Similar News
News November 26, 2024
మచిలీపట్నంలో అసలేం జరిగిందంటే?
మచిలీపట్నంలో దంపతులు ఆత్మహత్యకు ప్రయత్నించగా భార్య <<14701508>>చనిపోయిన <<>>విషయం తెలిసిందే. నిజాంపేటకు చెందిన గోపీకృష్ణ, కావ్య(32)కు ఇద్దరు పిల్లలు. ఆదివారం అర్ధరాత్రి దంపతుల మధ్య గొడవ జరగ్గా.. ఆత్మహత్య చేసుకుంటానని భర్త చెప్పారు. ‘నేనూ సూసైడ్ చేసుకుంటా’ అని భార్య చెప్పడంతో ఇద్దరూ బైకుపై బుద్దాలపాలేనికి వచ్చారు. ఇద్దరూ రైలుకు ఎదురెళ్లగా కావ్య చనిపోయింది. చివరి నిమిషంలో గోపీకృష్ణ తప్పుకోవడంతో ఆయనకు గాయాలయ్యాయి.
News November 26, 2024
సోషల్ మీడియాలో మంచిని మాత్రమే అనుసరించాలి: కొలుసు
యువతీ, యువకులు సోషల్ మీడియాలో మంచిని మాత్రమే అనుసరించాలని మంత్రి కొలుసు పార్ధసారధి విద్యార్థులకు సూచించారు. తాను వ్యక్తిగతంగా సోషల్ మీడియా ఫాలోకానని చాలా మంది ప్రముఖులు కూడా సోషల్ మీడియాను ఫాలో అవ్వరని చెప్పారు. సోమవారం ఎస్ఆర్ఆర్ కళాశాలలో సామాజిక మాధ్యమాల దుష్ప్రచారం అవగాహన సదస్సులో ఆయన మాట్లాడారు. విద్యార్థులు సామాజిక మాధ్యమాలను ఉపయోగించి వివిధ అంశాలపై అవగాహన పెంపొందించుకోవచ్చని అన్నారు.
News November 26, 2024
కృష్ణా: MSC రెండో సెమిస్టర్ పరీక్షా ఫలితాలు విడుదల
ఆచార్య నాగార్జున యూనివర్సిటీ పరిధిలో సెప్టెంబర్- 2024లో నిర్వహించిన ఎంఎస్సీ- ఫారెస్ట్రీ, న్యూట్రిషన్ & డైటిక్స్, ఇన్‌స్ట్రమెంటేషన్ టెక్నాలజీ కోర్సుల 2వ సెమిస్టర్ రెగ్యులర్ పరీక్షల ఫలితాలు సోమవారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై అధికారిక వెబ్‌సైట్ https://www.nagarjunauniversity.ac.in/ చెక్ చేసుకోవాలంది.