News November 1, 2024
దుల్కర్-సాయి పల్లవి కాంబోలో తెలుగు మూవీ?
మలయాళ నటుడు దుల్కర్ సల్మాన్, లేడీ పవర్ స్టార్ సాయి పల్లవి కాంబోలో ఓ మూవీ తెరకెక్కనుంది. వైజయంతి మూవీస్ నిర్మించనున్న ‘ఆకాశంలో ఒక తార’ అనే తెలుగు సినిమాలో వీరిద్దరూ ప్రధాన పాత్రల్లో నటించనున్నట్లు సినీవర్గాలు పేర్కొన్నాయి. దీనిపై త్వరలో అధికారిక ప్రకటన రానున్నట్లు వెల్లడించాయి. కాగా, దుల్కర్ ‘లక్కీ భాస్కర్’, సాయి పల్లవి నటించిన ‘అమరన్’ నిన్న విడుదలైన విషయం తెలిసిందే.
Similar News
News December 26, 2024
ఎయిర్‌టెల్ నెట్‌వర్క్‌లో అంతరాయం!
ఎయిర్‌టెల్ నెట్‌వర్క్ సేవల్లో అంతరాయం ఏర్పడినట్లు తెలుస్తోంది. మొబైల్ డేటా & బ్రాడ్‌బ్యాండ్ సేవలు రెండింటిలో అంతరాయాన్ని ఎదుర్కొంటున్నట్లు నెటిజన్లు ట్వీట్స్ చేస్తున్నారు. వెబ్‌సైట్ స్టేటస్ ట్రాకింగ్ టూల్ Downdetector.com ప్రకారం దాదాపు 46% మంది మొత్తం బ్లాక్‌అవుట్‌ను ఎదుర్కొంటున్నారు. 32% మందికి సిగ్నల్ లేదు & 22% మందికి మొబైల్ కనెక్టివిటీ సమస్యలు ఉన్నాయి. మీరూ ఈ సమస్య ఎదుర్కొంటున్నారా?
News December 26, 2024
సీఎంతో భేటీపై నిర్మాణ సంస్థ ట్వీట్
సీఎం రేవంత్ రెడ్డితో జరిగిన మీటింగ్‌పై నిర్మాణ సంస్థ SVC ట్వీట్ చేసింది. ‘తెలంగాణ ప్రభుత్వం & టాలీవుడ్ ప్రతినిధుల మధ్య ఫలప్రదమైన సమావేశం జరిగింది. సీఎం రేవంత్ దూరదృష్టి గల నాయకత్వాన్ని అభినందిస్తున్నాం. షూటింగ్‌లకు HYDని గ్లోబల్ హబ్‌గా మార్చేందుకు DY.CM భట్టి, మంత్రి కోమటిరెడ్డి కట్టుబడి ఉన్నారు. టాలీవుడ్ TG ప్రభుత్వానికి మద్దతునిస్తుంది. డ్రగ్స్ నిర్మూలన పోరాటంలో పాల్గొంటుంది’ అని తెలిపింది.
News December 26, 2024
ప్రపంచంలోనే అతి పెద్ద డ్యామ్ నిర్మించనున్న చైనా
ప్రపంచంలోనే అతిపెద్ద హైడ్రోపవర్ డ్యామ్‌ను నిర్మించేందుకు చైనా సిద్ధమవుతోంది. టిబెట్‌లోని యార్లంగ్ జాంగ్‌బో(బ్రహ్మపుత్ర) నదిపై దీన్ని నిర్మించనుంది. పూర్తైతే ఏడాదికి 300 బిలియన్ కిలో‌వాట్ విద్యుత్ ఉత్పత్తి అవుతుందని అంచనా. దీని కోసం భారీగా నిధులు వెచ్చించనున్నట్లు బీజింగ్ వర్గాలు తెలిపాయి. బ్రహ్మపుత్ర నది భారత్‌లోని అరుణాచల్, అస్సాం రాష్ట్రాల మీదుగా బంగ్లాదేశ్‌లోకి వెళ్లి బంగాళాఖాతంలో కలుస్తుంది.