News November 1, 2024
బ్యాక్ లాగ్ లేకుండా భర్తీ చేయాలని సీఎంకు అభ్యర్థుల విజ్ఞప్తి
TG: గ్రూప్-4 ఉద్యోగాల భర్తీలో నాట్ విల్లింగ్ ఆప్షన్ ఇవ్వాలని పలువురు అభ్యర్థులు ప్రభుత్వాన్ని కోరుతున్నారు. దీని ద్వారా గ్రూప్-4 కంటే పై స్థాయి ఉద్యోగం వచ్చిన అభ్యర్థులు ఇందులో జాయిన్ కారని, పోస్టులు బ్యాక్ లాగ్ కావంటున్నారు. ఇలా భర్తీ చేస్తే మరో 3000 మందికి డౌన్ మెరిట్‌లో ఉద్యోగాలు వస్తాయంటున్నారు. లిస్ట్ ఇవ్వకముందే సీఎం రేవంత్, TGPSC ఈ అంశంలో జోక్యం చేసుకోవాలని విజ్ఞప్తి చేస్తున్నారు.
Similar News
News November 2, 2024
TDP గూటికి కరణం బలరామ్?
AP: వైసీపీ సీనియర్ నేత కరణం బలరామ్ ఆ పార్టీని వీడుతున్నట్లు తెలుస్తోంది. త్వరలోనే ఆయన TDP లేదా జనసేనలో చేరుతారని వార్తలు వస్తున్నాయి. తన కుమారుడు కరణం వెంకటేశ్ కూడా పార్టీ మారుతున్నట్లు సమాచారం. ఇటీవల ఓ వేడుకలో CM చంద్రబాబుతో బలరామ్ ఆప్యాయంగా మాట్లాడారు. అప్పటి నుంచి ఆయన పార్టీ మారతారని జోరుగా ప్రచారం జరుగుతోంది. కాగా గత ఎన్నికల్లో చీరాల నుంచి YCP తరఫున వెంకటేశ్ పోటీ చేసి ఓటమిపాలయ్యారు.
News November 2, 2024
చలి మొదలైంది.. వీటిని తింటున్నారా?
కొన్ని ప్రాంతాల్లో చలి ప్రారంభమైంది. శరీరాన్ని వెచ్చగా ఉంచుకోకపోతే చలికి ఆరోగ్య సమస్యలు వస్తాయని వైద్య నిపుణులు చెబుతున్నారు. రోజూ ఓ టీ స్పూన్ నెయ్యి తీసుకోవాలి. ఇది శరీరంలో వేడి పుట్టిస్తుంది. చిలగడదుంపలు తింటే ఇమ్యూనిటీ పెరుగుతుంది. ఉసిరి తింటే అనేక ఔషధాలు తిన్నట్లే. ఖర్జూరాలు, బెల్లం తింటే వేడిని పుట్టిస్తాయి. మిల్లెట్స్, నట్స్, ఆవాలు, నువ్వులు కూడా తీసుకుంటే మంచిదని వైద్యులు చెబుతున్నారు.
News November 2, 2024
ప్ర‌ముఖ ఫ్యాషన్ డిజైన‌ర్ రోహిత్ బాల్ మృతి
ప్ర‌ముఖ ఫ్యాషన్ డిజైన‌ర్ రోహిత్ బాల్ (63) గుండెపోటుతో మృతి చెందారు. హృద‌య సంబంధిత స‌మ‌స్య‌ల‌తో ఆయన ఏడాదిగా బాధ‌ప‌డుతున్నారు. ఫ్యాషన్ డిజైన్ కౌన్సిల్ ఆఫ్ ఇండియా (FDCI) వ్య‌వ‌స్థాప‌క స‌భ్యుల్లో రోహిత్ ఒకరు. భార‌తీయ సంప్ర‌దాయ వ‌స్త్ర ముద్ర‌ణ క‌ల‌గ‌లిపి ఉండే ఆయన ఆధునిక డిజైనింగ్ వస్త్రాలు విశేష ఆద‌ర‌ణ పొందాయి. ఆయన ప‌నిత‌నంలోని ప్ర‌త్యేక‌త ముందు త‌రాల‌కు స్ఫూర్తిదాయ‌క‌మ‌ని FDCI కౌన్సిల్ పేర్కొంది.