News November 2, 2024
ఘోర ప్రమాదం.. నలుగురి మృతి
TG: మెదక్ జిల్లాలో ఘోర ప్రమాదం జరిగింది. మనోహరాబాద్(మ) పోతారం వద్ద ట్రాక్టర్-బైక్ ఢీకొని దంపతులు, ఇద్దరు పిల్లలు మృతి చెందారు. స్థానికంగా పలువురు రైతులు రోడ్లపై ధాన్యం ఆరబోశారు. దీంతో రోడ్డుపై ఒకవైపు నుంచే వాహనాల రాకపోకలు సాగించాల్సిన పరిస్థితి ఏర్పడింది. ఎదురుగా వచ్చిన బైకును ట్రాక్టర్ ఢీకొట్టడంతో నలుగురూ అక్కడికక్కడే ప్రాణాలు విడిచారు.
Similar News
News November 3, 2024
ఈ కందిరీగల స్పెషల్ పవర్ తెలిస్తే షాక్ అవ్వాల్సిందే..
వెస్పా జాతి కందిరీగలకు ఉన్న ఇథనాల్(ఆల్కహాల్‌ కాంపోనెంట్) డిటాక్సిఫికేషన్ పవర్ ప్రపంచంలో మరే జంతువులకీ లేదని సైంటిస్టులు తెలిపారు. ఇథనాల్ అధికంగా ఉన్న తాటి పువ్వుల నుంచి ఇవి మకరందాన్ని సేవిస్తాయి. అయినప్పటికీ వాటి జీవితకాలం, జీవక్రియలపై ఇథనాల్ ఎలాంటి ప్రభావం చూపడం లేదని గుర్తించారు. ఈ కందిరీగల్లో ఇథనాల్‌‌ను అత్యంత వేగంగా మెటబాలిజింగ్ చేసే శక్తి ఉండటంతో వాటికి డిటాక్సిఫికేషన్ పవర్ అందుతోందన్నారు.
News November 3, 2024
నాన్-స్టిక్ పాత్రల్లో వంట చేస్తున్నారా?
వినియోగించడానికి సౌకర్యంగా ఉన్నా వంట కోసం నాన్-స్టిక్ పాత్రలు వాడొద్దని నిపుణులు చెబుతున్నారు. వీటి వల్ల తీవ్ర అనారోగ్య సమస్యలు వచ్చే అవకాశం ఉందంటున్నారు. నాన్-స్టిక్ పాత్రల్లోని ఆహారం తినడం వల్ల శరీరంలో టెప్లాన్ పరిమాణం పెరిగి వంద్యత్వం, గుండె జబ్బులు వస్తాయి. ఈ పాత్రల్లోని ఫుడ్ తింటే ఐరన్ లోపంతోపాటు శ్వాసకోస సమస్యలు, థైరాయిడ్ వంటి రోగాలు వస్తాయి. మట్టి కుండల్లో ఆహారం వండుకుని తినడం మంచిది.
News November 3, 2024
ఈనెల 5 నుంచి ఇందిర‌మ్మ ఇళ్ల లబ్ధిదారుల ఎంపిక: మంత్రి
TG: ఈనెల 5 నుంచి ఇందిర‌మ్మ ఇళ్ల లబ్ధిదారులను ఎంపిక చేయనున్నట్లు మంత్రి పొంగులేటి శ్రీనివాస్ రెడ్డి తెలిపారు. 15 రోజుల్లో గ్రామ క‌మిటీల ద్వారా ఎంపిక పూర్తి చేస్తామన్నారు. ఇళ్ల నిర్మాణంలో ఎటువంటి డిజైన్లు ఉండ‌వని, లబ్ధిదారుల ఇష్టం మేర‌కు నిర్మించుకోవ‌చ్చన్నారు. క‌నీసం 400 చ.అడుగులకు త‌గ్గ‌కుండా ఇల్లు నిర్మించుకోవాలని, త‌ప్ప‌నిస‌రిగా కిచెన్, బాత్రూం ఉండాలని మీడియా చిట్ చాట్‌లో పేర్కొన్నారు.