News November 3, 2024
KKR నన్నెందుకు రిటైన్ చేసుకోలేదో?: అయ్యర్ ఎమోషనల్
KKR రిటెన్షన్ల జాబితాలో తన పేరు లేకపోవడంతో కన్నీళ్లు వచ్చాయని టీమ్ ఇండియా క్రికెటర్ వెంకటేశ్ అయ్యర్ తెలిపారు. తనను ఎందుకు రిటైన్ చేసుకోలేదో అర్థం కావడం లేదన్నారు. ఆ జట్టుకు ఆడినన్ని రోజులు విజయం కోసం తీవ్రంగా శ్రమించానని ఆయన వ్యాఖ్యానించారు. వేలంలో మళ్లీ తనను ఆ జట్టు కొనుగోలు చేయొచ్చేమోనని అభిప్రాయపడ్డారు. కాగా అయ్యర్ KKR తరఫున గత సీజన్లో 370 రన్స్ చేశారు. ఇందులో 4 అర్ధ సెంచరీలు ఉన్నాయి.
Similar News
News February 7, 2026
రేవంత్ ఎప్పటికీ కాంగ్రెస్ మనిషి కాలేరు: KTR
TG: రేవంత్ ఎప్పటికైనా BJP మనిషేనని KTR ఎద్దేవా చేశారు. కామారెడ్డి(D) బాన్సువాడలో నిర్వహించిన ఎన్నికల ప్రచారంలో కీలక వ్యాఖ్యలు చేశారు. ‘రేవంత్ కాంగ్రెస్ నేత కాదు బడే భాయ్ తమ్ముడు. కాంగ్రెస్ నుంచి ప్రయోజనాలు పొందిన వాళ్లే వారికి ఓటేయాలి. తర్వాత మా ప్రభుత్వం వస్తుంది. కచ్చితంగా కాంగ్రెస్ కంటే గొప్పగా అభివృద్ధి చేస్తాం. ఆయన విసిరే ఎంగిలి మెతుకుల కోసం పోచారం కాంగ్రెస్ సంకలో దూరారు’ అని విమర్శించారు.
News February 7, 2026
1291 పోస్టులకు నోటిఫికేషన్ విడుదల
ఇండియన్ ఆయిల్ కార్పొరేషన్ లిమిటెడ్ (IOCL) 1291 అప్రెంటిస్ పోస్టుల భర్తీకి 3 వేర్వేరు నోటిఫికేషన్లు విడుదల చేసింది. BSc/BA/B.Com, టెన్త్+ITI, ఇంటర్, డిప్లొమా అర్హత గల అభ్యర్థులు నేటి నుంచి FEB 20 వరకు NATS/NAPS పోర్టల్లో అప్లై చేసుకోవచ్చు. వయసు 18-24ఏళ్ల మధ్య ఉండాలి. రిజర్వేషన్ గలవారికి ఏజ్లో సడలింపు ఉంది. మెరిట్ ఆధారంగా ఎంపిక చేస్తారు. DV కోసం FEB 26న పిలుస్తారు. వెబ్సైట్: https://iocl.com
News February 7, 2026
మిరపలో కొమ్మ ఎండు, కాయ కుళ్లు తెగులు – నివారణ
మిరపలో ఈ తెగులు తొలుత లేత కొమ్మలు, పూతకు ఆశించడం వల్ల పూత రాలి, చివర్ల నుంచి కొమ్మలు కిందకు ఎండుతాయి. కాయలను ఆశించడం వల్ల కాయల మీద నల్లటి మచ్చలు ఏర్పడి, కుళ్లి రాలిపోతాయి. ఈ తెగులు నివారణకు ఎకరాకు 200 లీటర్ల నీటిలో డైఫెనోకోనజోల్ 25% EC 100ml లేదా క్రెసోక్సిమ్-మిథైల్ 44.3% SC 200mlలలో ఏదో ఒకటి కలిపి పిచికారీ చేయాలి. తెగులు సోకిన మొక్కల భాగాలను సేకరించి నాశనం చేయాలి.