News November 4, 2024
CRDAపై సీఎం చంద్రబాబు సమీక్ష
AP: CRDA అధికారులతో సీఎం చంద్రబాబు సచివాలయంలో భేటీ అయ్యారు. రాజధాని అమరావతిలో నిలిచిపోయిన నిర్మాణాలపై టెక్నికల్ కమిటీ ఇచ్చిన నివేదికపై వారితో చర్చిస్తున్నారు. కమిటీ సూచనలు, అదనపు ఆర్థిక భారంపై ఎలా ముందుకెళ్లాలనే అంశాలపై సమాలోచనలు చేస్తున్నారు. మళ్లీ అమరావతిలో అభివృద్ధి పనులు ప్రారంభించేందుకు తీసుకోవాల్సిన చర్యలు, నిర్మాణ సంస్థలతో వివాదాల పరిష్కారానికి చర్యలపై సమీక్షిస్తున్నారు.
Similar News
News December 27, 2024
మన్మోహన్ మరణం దేశానికి తీరని లోటు: సీఎం చంద్రబాబు
మాజీ ప్రధాని మన్మోహన్ మృతిపట్ల తెలుగు రాష్ట్రాల సీఎంలు చంద్రబాబు, రేవంత్ సంతాపం వ్యక్తం చేశారు. ‘ఆయన మరణం దేశానికి తీరని లోటు. కేంద్ర ఆర్థిక మంత్రిగా అనేక ఆర్థిక సంస్కరణలు తీసుకొచ్చారు. ప్రధానిగా దేశానికి సేవలందించారు’ అని చంద్రబాబు కొనియాడారు. ‘మన్మోహన్ గొప్ప ఆర్థికవేత్త, మానవతావాది. అసలైన నవభారత నిర్మాత. భరతమాత ఓ గొప్ప కుమారుడిని కోల్పోయింది’ అని రేవంత్ పేర్కొన్నారు.
News December 27, 2024
దేశం గొప్ప నేతను కోల్పోయింది: ప్రధాని మోదీ
మాజీ ప్రధాని మన్మోహన్ మృతిపై ప్రధాని మోదీ సంతాపం వ్యక్తం చేశారు. అత్యంత గొప్ప నాయకుల్లో ఒకరైన నేతను దేశం కోల్పోయిందన్నారు. నిరాడంబరమైన మూలాల నుంచి ఎదిగి గౌరవనీయమైన ఆర్థికవేత్తగా ఎదిగారని కొనియాడారు. మన ప్రధానిగా ప్రజల జీవితాలను మెరుగుపరిచేందుకు ఆయన విస్తృతంగా కృషి చేశారని ప్రశంసించారు.
News December 27, 2024
మాటలు తక్కువ.. పని ఎక్కువ
మాజీ ప్రధాని మన్మోహన్ సింగ్ పేరు చెప్పగానే ‘ఆయన అసలేం మాట్లాడరు’ అని అంతా అంటుంటారు. అవును నిజమే. చాలామంది రాజకీయ నేతల్లా ఆయన మాటలు చెప్పే వ్యక్తి కాదు. చేతల్లో పని చూపించే నేత. 1991 నుంచి 1996 వరకు దేశ ఫైనాన్స్ మినిస్టర్‌గా పనిచేసిన మన్మోహన్.. ఆర్థిక సంస్కరణలు ప్రవేశపెట్టారు. ఆయన హయాంలోనే అత్యధిక జీడీపీ 10.2శాతం వృద్ధిరేటు నమోదైంది. వెనుకబడిన వర్గాలకు 27శాతం సీట్ల కేటాయింపు జరిగింది.