News November 4, 2024
రూ.4 కోట్ల వాచ్ ధరించిన షారూఖ్
‘అత్తారింటికి దారేది’ సినిమాలో పవన్ కళ్యాణ్ వాచ్ అమ్మితే లైఫ్ సెట్ అవుతుందనే డైలాగ్ గుర్తుందా? అలాంటి వాచ్‌లు బాలీవుడ్ స్టార్ నటుడు షారుఖ్ ఖాన్ వద్ద చాలా ఉన్నాయని సినీవర్గాలు పేర్కొన్నాయి. తాజాగా ఓ ఇంటర్వ్యూలో ఆయన రూ.4.2 కోట్ల విలువైన ‘AUDEMARSPIGUET‘ లిమిటెడ్ ఎడిషన్ వాచ్‌ను ధరించారు. IIFA 2024 అవార్డ్స్‌లోనూ అదే కంపెనీకి చెందిన రూ.4.6 కోట్ల విలువైన మరో వాచ్‌తో కనిపించారు.
Similar News
News January 14, 2025
నేటి నుంచి ఇండియన్ ఓపెన్
నేటి నుంచి ఢిల్లీ వేదికగా ఇండియన్ ఓపెన్ సూపర్ 750 బ్యాడ్మింటన్ టోర్నీ ప్రారంభం కానుంది. పెళ్లి తర్వాత సింధు ఆడనున్న తొలి టోర్నీ ఇదే. అంతకుముందు గత ఏడాది ఆమె SMAT ఉమెన్స్ సింగిల్స్ విజేతగా నిలిచారు. సింధు తొలి రౌండ్‌లో చైనీస్ తైపీ ప్లేయర్ యువోయున్‌తో తలపడనున్నారు. మరోవైపు డబుల్స్ జోడీ సాత్విక్-చిరాగ్‌పైనే అందరి దృష్టి నెలకొంది. ఇక పురుషుల సింగిల్స్‌లో లక్ష్యసేన్, ప్రణయ్ ఫేవరెట్లుగా ఉన్నారు.
News January 14, 2025
భారత్‌కు నిజమైన స్వాతంత్ర్యం వచ్చింది అప్పుడే: మోహన్ భగవత్
అయోధ్యలో రామ మందిర ప్రతిష్ఠాపన జరిగిన రోజే భారత్‌కు నిజమైన స్వాతంత్ర్యం వచ్చిందని RSS చీఫ్ మోహన్ భగవత్ అన్నారు. అందుకే ఆ రోజును ‘ప్రతిష్ఠా ద్వాదశి’గా జరుపుకోవాలని చెప్పారు. రామ మందిర ఉద్యమం ఏ ఒక్కరినీ వ్యతిరేకించడానికి కాదని తెలిపారు. ఈ క్రమంలో భారత్ స్వతంత్రంగా ప్రపంచానికి మార్గదర్శకంగా నిలబడుతుందని పేర్కొన్నారు. కాగా గత ఏడాది జనవరి 22న రామ విగ్రహ ప్రతిష్ఠ చేసిన సంగతి తెలిసిందే.
News January 14, 2025
నేడు ఢిల్లీకి సీఎం రేవంత్
TG: ఇవాళ సాయంత్రం సీఎం రేవంత్ రెడ్డి ఢిల్లీకి వెళ్లనున్నారు. రేపు జరిగే కాంగ్రెస్ జాతీయ కార్యాలయ ప్రారంభ కార్యక్రమంలో ఆయన పాల్గొంటారు. ఆ తర్వాత మరుసటి రోజు సింగపూర్ వెళ్లనున్నారు. ఈ నెల 16 నుంచి 19 వరకు అక్కడే పర్యటించనున్నారు. అనంతరం ఈ నెల 20న వరల్డ్ ఎకానమీ ఫోరమ్ సదస్సులో పాల్గొనేందుకు దావోస్‌కు వెళ్తారు. ఈ నెల 23న తిరిగి హైదరాబాద్ రానున్నారు.