News November 7, 2024
చాహల్‌పై చిన్న చూపెందుకు?
టీమ్ఇండియా బౌలర్ చాహల్‌కు గడ్డుకాలం నడుస్తోంది. అవకాశం వచ్చిన ప్రతిసారి అదరగొట్టే చాహల్‌కు ప్రస్తుతం ఛాన్సులే రావట్లేదు. దీంతో IPLలో, Tటీ20ల్లో చాహల్ ప్రతిభను గుర్తించట్లేదని అభిమానులు విమర్శలు చేస్తున్నారు. RCB,RR తరఫున చాహల్ (139, 66) అత్యధిక వికెట్లు పడగొట్టినా జట్టు నుంచి రిలీజ్ చేశారని మండిపడుతున్నారు. T20 క్రికెట్‌లోనూ అత్యధిక వికెట్లు పడగొట్టినా జట్టులో చోటు ఇవ్వట్లేదంటున్నారు. మీ కామెంట్?
Similar News
News November 7, 2024
మల్లారెడ్డికి ఈడీ నోటీసులు
TG: మాజీ మంత్రి, BRS MLA మల్లారెడ్డికి ఈడీ నోటీసులు జారీ చేసింది. పీజీ మెడికల్ సీట్లను అక్రమంగా బ్లాక్ చేశారన్న ఆరోపణలపై వివరణ ఇవ్వాలని పేర్కొంది. గత ఏడాది జూన్‌లో మల్లారెడ్డికి చెందిన 12 మెడికల్ కాలేజీల్లో ఈడీ తనిఖీలు నిర్వహించింది. పలు కీలక డాక్యుమెంట్లు, పెన్‌డ్రైవ్‌లు, హార్డ్‌డిస్క్‌లను స్వాధీనం చేసుకుంది. వాటిని పరిశీలించిన అనంతరం నోటీసులిచ్చింది.
News November 7, 2024
యూనస్‌తో పాత లెక్కలు.. ట్రంప్ చుక్కలు చూపిస్తారా!
బంగ్లా తాత్కాలిక ప్రభుత్వ పెద్ద, నోబెల్ గ్రహీత మహ్మద్ యూనస్‌కు డొనాల్డ్ ట్రంప్ చుక్కలు చూపిస్తారని నిపుణుల అంచనా. 2016లో ట్రంప్ గెలిచాక బంగ్లా డెలిగేట్స్ ఆయన్ను కలిశారు. అప్పుడు ఆయన ప్రత్యేకంగా యూనస్‌ను గుర్తుచేశారు. ‘ఆ ఢాకా మైక్రో ఫైనాన్స్ వ్యక్తి ఎక్కడ? నేను ఓడిపోవాలని ఆయన విరాళం ఇచ్చినట్టు విన్నాను’ అని హసీనాకు షాకిచ్చారు. బంగ్లాలో హిందువులపై దాడి, ఇతర అంశాలపై ట్రంప్ సీరియస్‌గా ఉన్నారు.
News November 7, 2024
Jet Airways ఆస్తులు అమ్మేయండి: సుప్రీంకోర్టు
Jet Airways ఆస్తుల అమ్మకానికి సుప్రీంకోర్టు అనుమతించింది. దివాలా ప్రక్రియ ఆరంభించాలని ఆదేశించింది. రిజల్యూషన్ ప్లాన్ అమల్లో JKC విఫలమైందని పేర్కొంది. ప్లాన్ ప్రకారం వారు రూ.350 కోట్లు పెట్టుబడి పెట్టలేదని, రూ.226 కోట్ల ఉద్యోగ బకాయిలు చెల్లించలేదని గమనించిన కోర్టు NCLAT తీర్పును పక్కన పెట్టేసింది. రుణదాతలు, ఉద్యోగులు, స్టేక్ హోల్డర్ల ప్రయోజనం కోసం లిక్విడేషన్ తప్పనిసరని వెల్లడించింది.