News November 7, 2024
Jet Airways ఆస్తులు అమ్మేయండి: సుప్రీంకోర్టు
Jet Airways ఆస్తుల అమ్మకానికి సుప్రీంకోర్టు అనుమతించింది. దివాలా ప్రక్రియ ఆరంభించాలని ఆదేశించింది. రిజల్యూషన్ ప్లాన్ అమల్లో JKC విఫలమైందని పేర్కొంది. ప్లాన్ ప్రకారం వారు రూ.350 కోట్లు పెట్టుబడి పెట్టలేదని, రూ.226 కోట్ల ఉద్యోగ బకాయిలు చెల్లించలేదని గమనించిన కోర్టు NCLAT తీర్పును పక్కన పెట్టేసింది. రుణదాతలు, ఉద్యోగులు, స్టేక్ హోల్డర్ల ప్రయోజనం కోసం లిక్విడేషన్ తప్పనిసరని వెల్లడించింది.
Similar News
News November 7, 2024
యూరప్ పవర్‌హౌస్ జర్మనీలో రాజకీయ సంక్షోభం
జర్మనీలో రాజకీయ సంక్షోభం నెలకొంది. ట్రాఫిక్ లైట్ సంకీర్ణంగా పిలిచే SDP, గ్రీన్స్, FDP కూటమి చీలిపోయింది. ఆర్థిక విధానాల పరంగా సహకరించడం లేదని FM క్రిస్టియన్ లిండ్నర్‌ను ఛాన్స్‌లర్ ఒలాఫ్ షోల్జ్ (SDP) డిస్మిస్ చేశారు. దీంతో FDPకి చెందిన రవాణా, న్యాయ, విద్యా మంత్రులు స్వచ్ఛందంగా రిజైన్ చేశారు. మైనారిటీలో పడ్డ SDP, గ్రీన్స్ కూటమి జనవరిలో విశ్వాస తీర్మానం నెగ్గాలి. ప్రజలైతే ఎన్నికలు కోరుకుంటున్నారు.
News November 7, 2024
ఇక జర్మనీ ఎకానమీ పనైపోయినట్టే!
జర్మనీ ఎకానమీ పతనం అంచున నిలబడింది. మానుఫ్యాక్చరింగ్ గ్రోత్ నెగటివ్‌లోకి వెళ్లింది. అప్పులు పెరిగాయి. పడిపోయిన GDP పుంజుకొనే అవకాశమే కనిపించడం లేదు. బడ్జెట్ లేనప్పటికీ ఉక్రెయిన్‌కు సాయం చేస్తోంది. తానే ఆంక్షలు పెట్టి రష్యా నుంచి ఆయిల్, గ్యాస్‌ను చీప్‌గా కొనలేక ఇబ్బంది పడుతోంది. పెరిగిన పవర్, ఫుడ్ ఛార్జీలు, ద్రవ్యోల్బణంతో ప్రజలు ఉక్కిరిబిక్కిరి అవుతున్నారు. వారు తిరగబడేందుకు సిద్ధమవుతున్నారు.
News November 7, 2024
విరాట్ 2027 వరకు ఆడతారు: జ్యోతిషుడు
గత కొంతకాలంగా విరాట్ కోహ్లీ పేలవంగా ఆడుతుండటంపై ఆయన అభిమానుల్లో ఆందోళన వ్యక్తమవుతున్న సంగతి తెలిసిందే. వారికి ఆందోళన అవసరం లేదని జ్యోతిషుడు గ్రీన్‌స్టోన్ లోబో జోస్యం చెప్పారు. ‘విరాట్ గురించి ఆయన ఫ్యాన్స్ నన్ను తరచూ అడుగుతుంటారు. ఆయన కనీసం 2027 వరకు ఆడతారు. కోహ్లీ బ్యాట్ పరుగుల వరద పారించే సమయం రానుంది. సచిన్‌ రికార్డుల్ని దాటలేకపోవచ్చు కానీ గవాస్కర్, ద్రవిడ్‌ను దాటుతారు’ అని అంచనా వేశారు.