News November 7, 2024
షారుఖ్ ఖాన్‌ను చంపేస్తామంటూ బెదిరింపు
బాలీవుడ్ స్టార్ హీరో షారుఖ్ ఖాన్‌ను చంపేస్తామంటూ దుండగులు ఆయనకు కాల్ చేశారు. దీనిపై మహారాష్ట్రలోని బాంద్రా పోలీస్ స్టేషన్‌లో ఎఫ్‌ఐఆర్ నమోదైంది. ఖాన్‌ను బెదిరించింది ఛత్తీస్‌గఢ్‌కు చెందిన ఫైజాన్ ఖాన్ అని పోలీసులు ప్రాథమికంగా గుర్తించారు. నిందితుడు రూ.50లక్షలు డిమాండ్ చేశాడని, ఇవ్వకపోతే చంపేస్తానని బెదిరించాడని పోలీసులు తెలిపారు. ఇటీవలే సల్మాన్‌ఖాన్‌కూ హత్య బెదిరింపు సందేశం వచ్చిన విషయం తెలిసిందే.
Similar News
News November 7, 2024
₹13వేల కోట్ల రుణమాఫీ బాకీ ఉందని ధైర్యంగా చెబుతున్నాం: మంత్రి పొంగులేటి
TG: అభివృద్ధి, సంక్షేమం రెండు కళ్లలా రాష్ట్ర ప్రభుత్వం ముందుకెళుతోందని మంత్రి పొంగులేటి శ్రీనివాస్‌రెడ్డి అన్నారు. ‘రాష్ట్రం పీకల్లోతు అప్పుల్లో ఉన్నా ఎన్నో ఇబ్బందులు పడుతూ రైతును రాజును చేయాలనే సంకల్పంతో ₹18వేల కోట్ల పంట రుణం మాఫీ చేశాం. ఇంకా ₹13వేల కోట్లు మాఫీ చేయాల్సి ఉందని ధైర్యంగా చెబుతున్నాం. Decలోపు మాఫీ చేస్తాం’ అని వరంగల్ జిల్లాలో పలు అభివృద్ధి పనుల శంకుస్థాపన సందర్భంగా మంత్రి అన్నారు.
News November 7, 2024
చికెన్ తిని యువతి మృతి.. వెలుగులోకి కొత్త విషయం
TG: నిర్మల్‌లోని గ్రిల్9 రెస్టారెంట్‌లో చికెన్ బిర్యానీ తిని యువతి <<14537109>>మరణించిన<<>> ఘటనలో మరో విషయం వెలుగులోకి వచ్చింది. చికెన్ ఐటమ్స్‌పై మయోనైజ్ వేసుకుని తినడం వల్లే యువతి మరణించిందని, పదుల సంఖ్యలో ఆస్పత్రిపాలయ్యారని అధికారులు తెలిపారు. ఇవాళ ఆ రెస్టారెంట్‌ను సీజ్ చేశారు. కాగా TGలో మయోనైజ్‌ను బ్యాన్ చేసిన విషయం తెలిసిందే. అయినా కొన్ని రెస్టారెంట్లలో దీన్ని వాడుతుండటం గమనార్హం.
News November 7, 2024
ఎల్లుండి సా.4:30 గంటలకు ‘గేమ్ ఛేంజర్’ టీజర్
‘గేమ్ ఛేంజర్’ సినిమా టీజర్‌ను ఈనెల 9న సా.4:30కు రిలీజ్ చేయనున్నట్లు మేకర్స్ ప్రకటించారు. లక్నోలోని ప్రతిభ థియేటర్‌తో పాటు తెలుగు రాష్ట్రాల్లోని కొన్ని థియేటర్లలో టీజర్‌ను లాంచ్ చేయనున్నట్లు తెలిపారు. హైదరాబాద్‌లో సుదర్శన్, తిరుపతిలో PGR, విజయవాడలో శైలజ, బెంగళూరులో ఊర్వశితో పాటు మరో 5 థియేటర్ల పేర్లను ప్రకటించారు. శంకర్ డైరెక్షన్‌లో రామ్‌చరణ్ నటించిన ఈ మూవీ 2025 జనవరి 10న రిలీజ్ కానుంది.