News November 8, 2024
8శాతం పెరిగిన ట్రంప్ మీడియా షేర్లు
డొనాల్డ్ ట్రంప్ అమెరికా అధ్యక్షుడిగా గెలుపొందడంతో ఆయన మీడియా అండ్ టెక్నాలజీ గ్రూప్ షేర్లు 8శాతం వృద్ధిని నమోదు చేశాయి. దీంతో ట్రంప్ ఆస్తి విలువ 300 మిలియన్ డాలర్ల (రూ. 2500 కోట్లకు పైమాటే) మేర పెరిగింది. దీంతో సంస్థలో ట్రంప్ వాటా విలువ మొత్తం 4.1 బిలియన్ డాలర్లకు చేరింది. ఇంత పెరిగినప్పటికీ మూడో త్రైమాసికంలో 19.2 మిలియన్ డాలర్ల నష్టాన్ని ట్రంప్ మీడియా నమోదు చేయడం గమనార్హం.
Similar News
News November 9, 2024
మృతుల్లో అత్య‌ధికులు వారే.. UN ఆందోళన
ఇజ్రాయెల్ భీకర దాడుల్లో అసువులు బాస్తున్న పాల‌స్తీనియ‌న్ల‌లో అత్య‌ధికులు చిన్నారులు, మ‌హిళ‌లే ఉన్న‌ట్టు UN మాన‌వ హ‌క్కుల సంఘం లెక్క‌గ‌ట్టింది. Nov 2023-Apr 2024 మధ్య మృతి చెందిన 8,119 మందిలో 44% చిన్నారులు, 26% మ‌హిళ‌లు ఉండడంపై ఆందోళన వ్యక్తం చేసింది. మృతుల్లో 80% నివాస స‌ముదాయాల్లోని వారే ఉన్న‌ట్టు తెలిపింది. గ‌త 13 నెల‌లుగా జ‌రుగుతున్న ఈ యుద్ధంలో 43,300 మంది పాల‌స్తీనియ‌న్లు మృతి చెందారు.
News November 9, 2024
ప్రపంచంలో ఎక్కువ జనాభా ఉన్న నగరాలు
1.టోక్యో (జపాన్)- 3.71 కోట్లు
2.ఢిల్లీ (భారత్)- 3.38 కోట్లు
3.షాంఘై (చైనా)- 2.99 కోట్లు 4.ఢాకా (బంగ్లాదేశ్)- 2.3 కోట్లు
5.సౌ పౌలో (బ్రెజిల్)- 2.28 కోట్లు 6.కైరో (ఈజిప్ట్)- 2.26 కోట్లు
7.మెక్సికో సిటీ (మెక్సికో)- 2.25 కోట్లు
8.బీజింగ్ (చైనా)- 2.21 కోట్లు
9.ముంబై (ఇండియా)- 2.16 కోట్లు
10. ఒసాకా (జపాన్)- 1.89 కోట్లు
**హైదరాబాద్ 1.10 కోట్ల జనాభాతో 32వ స్థానంలో ఉంది.
News November 9, 2024
టెస్టు సిరీస్ ఓటమి: 6 గంటల పాటు మీటింగ్!
స్వదేశంలో భారత్ న్యూజిలాండ్‌తో టెస్టు సిరీస్ వైట్‌వాష్‌కి గురవ్వడాన్ని బీసీసీఐ సీరియస్‌గా తీసుకుంది. కెప్టెన్ రోహిత్, కోచ్ గంభీర్, సెలక్టర్ అజిత్ అగార్కర్, బోర్డు పెద్దలు జై షా, రోజర్ బిన్నీ మధ్య 6 గంటల పాటు సుదీర్ఘంగా మీటింగ్ జరిగినట్లు తెలుస్తోంది. రోహిత్, గంభీర్‌కు బిన్నీ, షా పలు ప్రశ్నలు సంధించినట్లు సమాచారం. ప్రధానంగా ఓటమికి కారణాలపై చర్చ జరిగిందని బోర్డు వర్గాలు పేర్కొన్నాయి.