News November 9, 2024
స్కాట్లాండ్ పర్యటనలో మంత్రి, ఎమ్మెల్యేలు
స్కాట్లాండ్‌లోని ఎడింబర్గ్ కాసిల్‌ను రాష్ట్ర పర్యాటక శాఖ మంత్రి జూపల్లి కృష్ణారావు, పర్యాటక అభివృద్ధి సంస్థ ఛైర్మన్ పటేల్ రమేష్ రెడ్డి, ఉమ్మడి మహబూబ్ నగర్ జిల్లా ఎమ్మెల్యేలు బండ్ల కృష్ణమోహన్ రెడ్డి, కసిరెడ్డి నారాయణ రెడ్డి, డా.వంశీకృష్ణ, రాజేష్ రెడ్డి, జనంపల్లి అనిరుధ్ రెడ్డి, లక్ష్మీకాంతరావు సందర్శించారు. మూడు రోజులుగా వరల్డ్ ట్రావెల్ మార్కెట్లో రాష్ట్రంలోని టూరిజాన్ని ప్రమోట్ చేశారు.
Similar News
News November 9, 2024
MBNR: నేడు, రేపు ఓటరు నమోదుకు ప్రత్యేక డ్రైవ్
ఓటర్ నమోదుకు ఈ నెల 9,10న బూత్ స్థాయి ప్రత్యేక క్యాంప్‌లు నిర్వహిస్తున్నట్లు ఉమ్మడి జిల్లా కలెక్టర్లు తెలిపారు. ఫారం- 6,7,8,8ఏ దరఖాస్తులు బీఎల్ఓల దగ్గర అందుబాటులో ఉంటాయని, www.nvsp.in వెబ్సైట్లో కూడా దరఖాస్తు చేసుకోవచ్చని, 1950(టోల్ ఫ్రీ) నంబర్‌కు ఫోన్ చేసి పూర్తి సమాచారం తెలుసుకోవచ్చన్నారు. జనవరి 1, 2025 నాటికి 18 ఏళ్లు నిండిన అర్హులైన ప్రతి ఒక్కరూ ఈ అవకాశాన్ని సద్వినియోగం చేసుకోవాలని కోరారు.
News November 9, 2024
ర్యాగింగ్‌కు పాల్పడితే కఠిన చర్యలు: పీయూ రిజిస్ట్రార్
ర్యాగింగ్‌కు పాల్పడితే కఠిన చర్యలు తప్పవని పాలమూరు యూనివర్సిటీ రిజిస్ట్రార్ డాక్టర్ మధుసూధన్ రెడ్డి హెచ్చరించారు. శుక్రవారం పాలమూరు యూనివర్సిటీలోని బాయ్స్ హాస్టల్‌ను ఆకస్మికంగా తనిఖీ చేశారు. వంట గదిలో ఏవైనా సమస్యలు ఉంటే తమ దృష్టికి తీసుకురావాలన్నారు. సీజనల్ వ్యాధులు ప్రబలే అవకాశం ఉన్నందున వంట గదులు, పరిసర ప్రాంతాలు శుభ్రంగా ఉంచుకోవాలన్నారు. పాలమూరు యూనివర్సిటీ సిబ్బంది పాల్గొన్నారు.
News November 9, 2024
నూతన రైల్వే లైన్లతో మహబూబ్ నగర్ అభివృద్ధి: ఎంపీ మల్లు రవి
సికింద్రాబాద్ లోని రైల్ నిలయం కార్యాలయంలో దక్షణ మధ్య రైల్వే మేనేజర్ అరుణ్ కుమార్ జైన్ తో శుక్రవారం నాగర్ కర్నూల్ ఎంపీ డాక్టర్ మల్లు రవి సమావేశమయ్యారు. ఈ సమావేశంలో నాగర్ కర్నూల్ పార్లమెంట్ పరిధిలో కొత్త రైల్వే మార్గాలను ఏర్పాటు చేయాలని రైల్వే మేనేజర్ అరుణ్ కుమార్ జైన్ కు వినతి పత్రం అందజేశారు. ఈ సందర్భంగా రైల్వే లైన్ ఏర్పాటు చేస్తే ఉమ్మడి మహబూబ్ నగర్ జిల్లా అభివృద్ధి చెందుతుందని మల్లు రవి చెప్పారు.