News November 10, 2024
వరంగల్: వార్డు సభ్యుడిగా చేయాలన్నా పోటీనే!
కులగణన తర్వాత సర్పంచ్ ఎన్నికలు నిర్వహించనున్న సంగతి తెలిసిందే. 2,3 నెలలు సమయం పట్టే అవకాశముండగా గ్రామాల్లో అప్పుడే ఎన్నికల హీట్ కనిపిస్తోంది. పలు కారణాలతో గతంలో పోటీ చేయనివారు ఈసారి సై అంటున్నారు. సర్పంచ్ సంగతి పక్కన పెడితే వార్డు సభ్యుడిగా చేయాలన్నా కొన్ని చోట్ల పోటీ ఉంది. వార్డు సభ్యుడిగా గెలిచి ఉపసర్పంచ్ దక్కించుకోవాలని కొందరు ఉవ్విళ్లూరుతున్నారు. మరి మీ ప్రాంతంలో ఎలా ఉందో కామెంట్ చేయండి.
Similar News
News November 14, 2024
BREAKING.. జనగామ జిల్లాలో అర్ధరాత్రి హత్య
జనగాం జిల్లాలో దారుణం జరిగింది. స్థానికుల వివరాలు.. రఘునాథ్‌పల్లి మండలం ఎల్లారెడ్డిగూడెం గ్రామంలో బుధవారం అర్ధరాత్రి పర్వత యోగేందర్ అనే వ్యక్తి గంపల పరశరాములుపై గొడ్డలితో దాడి చేయడంతో మృతి చెందాడు. ఘటనా స్థలానికి పోలీసులు చేరుకుని నిందితుడిని అరెస్ట్ చేసి పోలీస్ స్టేషన్‌కు తరలించారు. ఘటనకు సంబంధించి మరిన్ని వివరాలు తెలియాల్సి ఉంది.
News November 14, 2024
వరంగల్ జిల్లాలో పెరుగుతున్న చలి
ఉమ్మడి WGL జిల్లా వ్యాప్తంగా చలి పంజా విసురుతోంది. జిల్లాలో ఉదయం, రాత్రి సమయంలో ఉష్ణోగ్రతలు పడిపోతుండటంతో ప్రజలు ఇబ్బంది పడుతున్నారు. ముఖ్యంగా ఏజెన్సీ ప్రాంతాల్లో చలితో ప్రజలు బయటికి రావాలంటే జంకుతున్నారు. అలాగే, పొగమంచు సైతం ప్రయాణికులను తీవ్ర ఇబ్బంది పెడుతోంది. చలి నేపథ్యంలో వృద్ధులు, చిన్నపిల్లలు, గర్భిణులు, శ్వాసకోశ వ్యాధులతో ఇబ్బంది పడేవారు జాగ్రత్తగా ఉండాలని వైద్యులు సూచిస్తున్నారు.
News November 14, 2024
పిల్లల ఈ దేశ భవిష్యత్తు అని గట్టిగా నమ్మారు: మంత్రి కొండా
భారత తొలి ప్రధానమంత్రి జవహర్ లాల్ నెహ్రూ జయంతిని పురస్కరించుకుని.. దేశానికి వారు అందించిన సేవలను, త్యాగాలను మంత్రి కొండా సురేఖ స్మరించుకున్నారు. పిల్లలే ఈ దేశ భవిష్యత్తు అని గట్టిగా నమ్మిన వ్యక్తి జవహర్ లాల్ నెహ్రూ అని మంత్రి అన్నారు. పిల్లలకు సరైన విద్య, శిక్షణ, సంరక్షణ ఉంటే వారు దేశానికి మూలస్తంభాలుగా నిలుస్తారని భావించి ఆ దిశగా కార్యాచరణను అమలుచేసిన దార్శనికుడు నెహ్రూ అని మంత్రి తెలిపారు.