News November 12, 2024
ట్రంప్ ఆ నిర్ణయం తీసుకుంటే మనకు మంచిదే!
US అధ్యక్షుడిగా ట్రంప్ రెండోసారి బాధ్యతలు చేపట్టాక H-1B వీసాల‌పై ప‌రిమితులు విధిస్తే అది భారత్కు మేలు చేస్తుందని SBI నివేదిక అంచనా వేసింది. భార‌త్‌లో పెట్టుబ‌డులు పెర‌గడం, దేశీయ ఉత్పాద‌క‌త‌లో సంస్క‌రణలకు బాట‌లు వేసి మోదీ 3.0 ఆత్మ‌నిర్భ‌ర్ భారత్కు మేలు చేస్తుందని పేర్కొంది. అయితే, USలోని భార‌తీయ సంస్థ‌లు స్థానిక టాలెంట్‌ను హైర్ చేసుకునేందుకు అధిక వ‌న‌రుల‌ను వెచ్చించాల్సి వ‌స్తుంద‌ని పేర్కొంది.
Similar News
News November 14, 2024
WOW: ఇది ప్రభుత్వ పాఠశాలే..!
దేశ రాజధాని ఢిల్లీలో అతి పెద్ద ప్రభుత్వ పాఠశాలను సీఎం ఆతిశీ ఇవాళ ప్రారంభించారు. సుందరి నగర్‌లో ఈ స్కూల్‌ను సరికొత్త హంగులతో అంతర్జాతీయ ప్రమాణాలతో రూపొందించారు. మూడంతస్తుల్లో 131 గదులు, 7 ల్యాబ్‌లు, లైబ్రరీ, కాన్ఫరెన్స్ హాల్, యోగా రూమ్, లిఫ్ట్, టాయిలెట్ల బ్లాక్ తదితర సౌకర్యాలతో నిర్మించారు. ఇందులో దాదాపు 7 వేల మంది విద్యార్థులు చదువుకోవచ్చు. ప్రస్తుతం ఈ స్కూల్ ఇతర రాష్ట్రాలకు ఆదర్శంగా నిలుస్తోంది.
News November 14, 2024
కేటీఆర్ గురించి నేనేం చెప్పలేదు: పట్నం నరేందర్ రెడ్డి
TG: తన పేరుతో పోలీసులు ఇచ్చిన కన్ఫెషన్ రిపోర్ట్ తప్పని BRS మాజీ MLA పట్నం నరేందర్ రెడ్డి జైలు నుంచి లేఖ రాశారు. ఆ రిపోర్టులో ఏముందో కూడా తనకు తెలియదన్నారు. ‘లగచర్ల కేసు, KTR గురించి నేనేమీ చెప్పలేదు. పోలీసులు నా నుంచి స్టేట్‌మెంట్ తీసుకోలేదు. నా అడ్వకేట్ అడిగితే ఈ రిపోర్టును ఇచ్చారు. దీనితో నాకేం సంబంధం లేదు’ అని ఆయన లేఖలో పేర్కొన్నారు. కాగా వికారాబాద్ కోర్టులో నరేందర్ బెయిల్ పిటిషన్ దాఖలు చేశారు.
News November 14, 2024
నరేందర్ రెడ్డిని కస్టడీకి కోరిన పోలీసులు.. సోమవారం విచారణ
TG: కొడంగల్ మాజీ ఎమ్మెల్యే పట్నం నరేందర్ రెడ్డిని కస్టడీకి కోరుతూ పోలీసులు పిటిషన్ దాఖలు చేశారు. ఏడు రోజులు కస్టడీకి ఇవ్వాలని వికారాబాద్ కోర్టును కోరారు. మరోవైపు తనకు బెయిల్ కోరుతూ నరేందర్ రెడ్డి అదే కోర్టులో పిటిషన్ దాఖలు చేశారు. ఈ రెండు పిటిషన్లపై కోర్టు సోమవారం విచారణ జరపనుంది. లగచర్ల కేసులో A-1గా ఉన్న ఈ మాజీ ఎమ్మెల్యే ప్రస్తుతం చర్లపల్లి జైల్లో రిమాండ్ ఖైదీగా ఉన్నారు.