News November 12, 2024
ఆస్ట్రేలియాలో రహస్యంగా టీమ్ ఇండియా సాధన?
ఆస్ట్రేలియాతో టెస్టు సిరీస్ ముంగిట ప్రాక్టీస్ను రహస్యంగా ఉంచాలని టీమ్ ఇండియా భావిస్తున్నట్లు ది వెస్ట్ ఆస్ట్రేలియన్ పత్రిక ఓ కథనంలో తెలిపింది. IND ప్రాక్టీస్ చేస్తున్న పెర్త్కి ప్రేక్షకుల్ని రానివ్వడం లేదని పేర్కొంది. సిబ్బంది సైతం ఫోన్లను తీసుకెళ్లకుండా కఠిన నిబంధనల్ని భారత్ అనుసరిస్తోందని తెలిపింది. ప్రాక్టీస్ మ్యాచ్ కూడా ఆడకుండా కేవలం సిములేషన్తోనే సాధన చేస్తున్నట్లు వెల్లడించింది.
Similar News
News January 12, 2026
ధనుర్మాసం: ఇరవై ఎనిమిదో రోజు కీర్తన
‘స్వామీ! మేము అడవిలో పశువులను కాచుకునే అజ్ఞానులం. లోక మర్యాదలు తెలియక మిమ్ము ‘‘కృష్ణా, గోవిందా’’ అని పిలిచాం. మా అపరాధాలు మన్నించు’ అని గోపికలు వేడుకున్నారు. పరమాత్మ తమ కులంలో జన్మించడం తమ అదృష్టమని, ఈ బంధం ఎప్పటికీ తెగనిదని భావించారు. తమ అమాయకపు భక్తిని అనుగ్రహించి, వ్రతాన్ని పూర్తి చేసే భాగ్యం ప్రసాదించమని, మోక్షాన్ని ఇచ్చే ఆ పదవిని తమకు దక్కేలా చేయమని శ్రీకృష్ణుడిని ప్రార్థించారు. <<-se>>#DHANURMASAM<<>>
News January 12, 2026
నేడు సుప్రీంకోర్టులో పోలవరం-బనకచర్లపై విచారణ
TG: నేడు సుప్రీంకోర్టులో ఏపీ-తెలంగాణ జల వివాదంపై విచారణ జరగనుంది. AP తలపెట్టిన పోలవరం-నల్లమల సాగర్ (బనకచర్ల) లింక్ ప్రాజెక్ట్ను ఆపాలంటూ తెలంగాణ ప్రభుత్వం ఆర్టికల్ 32 ప్రకారం రిట్ పిటిషన్ దాఖలు చేసింది. వరద నీటిని తరలించే పేరుతో అక్రమంగా నిర్మాణం చేపడుతున్నారని ఆరోపించింది. ఈ పిటిషన్ను విచారించిన CJI సూర్యకాంత్ నేతృత్వంలోని ధర్మాసనం సమగ్ర వివరాలతో స్పెషల్ సూట్ వేయాలని ప్రభుత్వాన్ని ఆదేశించింది.
News January 12, 2026
WPL: ఈరోజు RCB vs UPW మ్యాచ్
WPLలో భాగంగా నేడు RCB, యూపీ వారియర్స్ తలపడనున్నాయి. RCB తొలి మ్యాచ్లో MIపై థ్రిల్లింగ్ విక్టరీ సాధించి జోరుమీద ఉంది. ఇక UPW తన మొదటి మ్యాచ్లో గుజరాత్ జెయింట్స్ చేతిలో ఓడిపోయింది. దీంతో ఈ సారి ఎలాగైనా గెలవాలనే పట్టుదలతో ఉంది. ఇప్పటి వరకూ ఇరు జట్లు హెడ్ టు హెడ్ ఆరు సార్లు తలపడగా చెరో మూడు మ్యాచ్లు గెలిచాయి. రాత్రి 7:30 నుంచి హాట్స్టార్, స్టార్ స్పోర్ట్స్లో లైవ్ చూడవచ్చు.