News November 14, 2024
సక్సెస్ అంటే ఇదే!❤️
సక్సెస్ అంటే ఏంటని అడిగేవారికి బాలీవుడ్ నటుడు పంకజ్ త్రిపాఠి జర్నీని చూపించాలని నెటిజన్లు చర్చించుకుంటున్నారు. పట్నాలో తాను పనిచేసిన హోటల్‌కు ఇటీవలే వెళ్లినప్పుడు మేనేజర్ వచ్చి రిసీవ్ చేసుకున్నారని పంకజ్ చెప్పారు. అప్పట్లో వెనుక గేటు నుంచి వెళ్లేవాడినని ఆయన గుర్తుచేసుకున్నారు. ఇప్పుడు అదే హోటల్‌కు మెయిన్ గేట్ నుంచి లోపలికి వెళ్లానని, GM వచ్చి స్వాగతం పలికారని ఇదే విజయం అని ఆయన పేర్కొన్నారు.
Similar News
News December 26, 2024
ఆర్థిక సంస్కరణలకు ఆద్యుడు
1932 Sep 26న ఇప్ప‌టి పాక్‌లోని చ‌క్వాల్‌లో మన్మోహన్ సింగ్ జ‌న్మించారు. 2004-2014 వ‌ర‌కు ప్ర‌ధానిగా ఆర్థిక సంస్కరణలకు పెద్దపీట వేశారు. నెహ్రూ, ఇందిరా, మోదీ త‌రువాత అత్య‌ధిక కాలం దేశ ప్ర‌ధానిగా కొన‌సాగారు. 33 ఏళ్ల‌పాటు పార్ల‌మెంటు స‌భ్యుడిగా కొన‌సాగారు. 1991లో రాజ్య‌స‌భ‌లో అడుగుపెట్టారు. PV హయాంలో ఆర్థిక మంత్రిగా పనిచేశారు. ఆర్థిక శాఖలో సలహాదారుగా, కార్యదర్శిగా, RBI గవర్నర్‌గా కూడా పనిచేశారు.
News December 26, 2024
మాజీ ప్ర‌ధాని మన్మోహన్ సింగ్ కన్నుమూత
భారత మాజీ ప్ర‌ధాని మన్మోహన్ సింగ్(92) క‌న్నుమూశారు. ఇవాళ సాయంత్రం తీవ్ర అస్వ‌స్థ‌త‌కు గురైన ఆయ‌న్ను ఢిల్లీలోని ఎయిమ్స్‌కు తరలించారు. అక్కడ ఎమ‌ర్జెన్సీ వార్డులో వైద్యులు చికిత్స అందించారు. అయితే కొద్దిసేప‌టికే మన్మోహన్ తుది శ్వాస విడిచినట్టు వారు ప్రకటించారు.
News December 26, 2024
రైతు భరోసాపై ప్రభుత్వం కీలక నిర్ణయం!
TG: కుటుంబంలో ఎంత మంది పేర్ల మీద భూమి ఉన్నా ఏడెకరాల వరకే రైతు భరోసా ఇవ్వాలని ప్రభుత్వం నిర్ణయించినట్లు తెలుస్తోంది. ఐదేళ్లలో వరుసగా రెండేళ్లు ఫ్యామిలీలో ఎవరైనా ఆదాయపు పన్ను చెల్లిస్తే భరోసా వర్తించదని తెలుస్తోంది. ఖరీఫ్, రబీ సీజన్లలో సాగు చేసిన భూమికే లబ్ధి చేకూర్చనుంది. పంటలు సాగు చేశారో లేదో తెలుసుకునేందుకు శాటిలైట్ సర్వే నిర్వహించనుంది. ఈ మేరకు మార్గదర్శకాల రూపకల్పన దాదాపు పూర్తయింది.