News November 15, 2024
కార్యసాధకుడికి వయసు అడ్డు కాదు
ఎదిగేందుకు, లక్ష్యాలను సాధించేందుకు వయసు అన్న పదం అడ్డు కాకూడదు. ఇంకే చేయగలంలే అంటూ డీలా పడకూడదు. KFCని శాండర్స్ తన 62వ ఏట మొదలుపెట్టారు. పోర్షేను ఫెర్డినాండ్ 56వ ఏట, స్టార్ బక్స్‌ను గోర్డన్ తన 51వ ఏట, వాల్‌మార్ట్‌ను శామ్ వాల్టన్ 44వ ఏట, కోకాకోలాను ఆసా కాండ్లర్ 41వ ఏట ప్రారంభించారు. సాధించాలన్న తపన, సాధించగలమన్న నమ్మకమే వీరిని విజయతీరాలకు చేర్చాయి.
Similar News
News November 15, 2024
ఆ సంస్థలతో మళ్లీ చర్చలు: నారాయణ
AP: అమరావతిలో పలు సంస్థలకు భూ కేటాయింపులపై మంత్రి నారాయణ ఆధ్వర్యంలోని సబ్ కమిటీ చర్చలు జరిపింది. గతంలో ఏయే సంస్థలకు ఎంతెంత భూములు కేటాయించారనే దానిపై స్టడీ చేయడంతో పాటు ఆయా సంస్థలతో చర్చలు జరపాలని CRDA అధికారులను ఆదేశించింది. ‘గత ప్రభుత్వం 3 ముక్కలాటతో భూములు పొందిన సంస్థలు నిర్మాణాలకు ముందుకు రాలేదు. మా ప్రభుత్వం వచ్చాక నిర్మాణాలు ప్రారంభిస్తామని ఆ సంస్థలు ముందుకొస్తున్నాయి’ అని నారాయణ చెప్పారు.
News November 15, 2024
కీలక మ్యాచ్.. టాస్ గెలిచిన భారత్
సౌతాఫ్రికాతో చివరిదైన నాలుగో టీ20లో భారత కెప్టెన్ సూర్యకుమార్ టాస్ గెలిచి బ్యాటింగ్ ఎంచుకున్నారు. 2-1తో ముందంజలో ఉన్న IND ఈ మ్యాచ్‌లో గెలిస్తే సిరీస్ సొంతమవుతుంది.
IND: శాంసన్, అభిషేక్, సూర్య, తిలక్, హార్దిక్, అక్షర్, రమన్‌దీప్, రింకూ సింగ్, బిష్ణోయ్, వరుణ్, అర్ష్‌దీప్
SA: రికెల్టన్, హెండ్రిక్స్, మార్క్రమ్, స్టబ్స్, క్లాసెన్, మిల్లర్, జాన్సెన్, సిమెలనే, కోయెట్జీ, మహారాజ్, సిపమ్లా
News November 15, 2024
IIT మద్రాస్‌తో ప్రభుత్వం ఒప్పందాలు
8 విభాగాలకు సంబంధించి సాంకేతికత, పరిశోధనల ఫలితాలను ప్రజలకు అందుబాటులోకి తెచ్చేలా IIT మద్రాస్‌తో AP ప్రభుత్వం ఒప్పందం చేసుకుంది. పరిశ్రమల అవసరాలకు అనుగుణంగా గ్రాడ్యుయేట్, అండర్ గ్రాడ్యుయేట్ విద్యార్థులకు శిక్షణ ఇవ్వడం, అమరావతిలో డీప్ టెక్ పరిశోధన, స్కిల్ డెవలప్‌మెంట్‌లో నాణ్యత పెంచేలా సహకారం తీసుకోనుంది. విద్యాశాఖ, IT, పరిశ్రమలు, క్రీడలు, RTGS అంశాల్లోనూ ప్రభుత్వం ఆ సంస్థతో కలిసి పనిచేయనుంది.