News November 16, 2024
MP మీటింగ్‌లో మటన్ గొడవ.. కొట్టుకున్నారు
UPలోని మిర్జాపుర్‌లో BJP MP వినోద్ కుమార్ బింద్ కార్యాలయంలో ఓ కమ్యూనిటీ సమావేశం, విందు ఏర్పాటు చేశారు. దాదాపు 250 మంది హాజరయ్యారు. విందుకు వచ్చిన అతిథుల్లో ఒక వ్యక్తికి మటన్ ముక్కలు వేయకుండా కేవలం గ్రేవీ వేయడంతో రచ్చ మొదలైంది. తనకు ముక్కలు వేయలేదని వాగ్వాదానికి దిగిన సదరు అతిథి వడ్డించే వ్యక్తి చెంపపై కొట్టడం, తోపులాట జరిగి కొట్టుకున్నారు. ఆ తర్వాత కొందరు కవర్లలో మటన్‌ను నింపుకొని వెళ్లిపోయారు.
Similar News
News November 16, 2024
బంగ్లాదేశ్ మరో పాకిస్థాన్ అవుతుందా?
రాజ్యాంగం నుంచి సెక్యుల‌రిజం, సోష‌లిజం ప‌దాల్ని తొల‌గించాల‌ని చూస్తున్న బంగ్లాదేశ్ తిరిగి ఈస్ట్‌ పాకిస్థాన్ భావజాలానికి చేరువ‌వుతున్నట్టు కనిపిస్తోంది! 1971లో లిబరేష‌న్ తర్వాత సాంస్కృతిక ఔన్న‌త్యాన్ని ప్ర‌తిబింబించేలా బంగ్లా రాజ్యాంగానికి లౌకిక‌వాదం, జాతీయ‌వాదం, ప్ర‌జాస్వామ్యం మూల‌స్తంభాలుగా ఉన్నాయి. ఇప్పుడీ మూలాల్ని చెరిపేస్తే బంగ్లా మరో పాకిస్థాన్ అవుతుందని విశ్లేషకులు అభిప్రాయపడుతున్నారు.
News November 16, 2024
రేవంత్‌కు కష్టం వస్తే బండి కాపాడుతున్నారు: కేటీఆర్
TG: రాష్ట్రంలో కాంగ్రెస్‌కు బీజేపీ రక్షణ కవచంగా మారిందని కేటీఆర్ విమర్శించారు. రేవంత్‌కి కష్టం వచ్చినప్పుడల్లా బండి సంజయ్ కాపాడుతున్నారని అన్నారు. సీఎంను తిడితే బీజేపీలోని నేతలకు కోపం వస్తుందన్నారు. రేవంత్ కాంగ్రెస్‌లో ఉన్నారో.. బీజేపీలో ఉన్నారో అనే అనుమానం కలుగుతుందని దుయ్యబట్టారు. దేవుళ్లను మోసం చేసిన వ్యక్తి రేవంత్ అని మండిపడ్డారు.
News November 16, 2024
మా గెలుపు చిన్నదేం కాదు: జైశంకర్
ప్రజాస్వామ్య దేశాల్లో వరుసగా మూడోసారి గెలవడం చిన్న విషయం కాదని EAM జైశంకర్ అన్నారు. ‘చాలా దేశాల్లో రాజకీయ అనిశ్చితి నెలకొన్న టైమ్‌లో భారత్‌లో రాజకీయ స్థిరత్వాన్ని ప్రపంచం గమనిస్తోంది. మనలా 7-8% గ్రోత్‌రేట్ మెయింటేన్ చేయడం వారికి సవాల్‌గా మారింది’ అన్నారు. డొనాల్డ్ ట్రంప్ విజయం పైనా ఆయన స్పందించారు. US ఎన్నికలు గ్లోబలైజేషన్‌పై అసంతృప్తిని ప్రతిబింబించాయని, దానివల్ల చైనాకే లబ్ధి కలిగిందని చెప్పారు.