News November 17, 2024

శ్రీశైలంలో భక్తిశ్రద్ధలతో ఆకాశదీపం పూజలు

కార్తీకమాసం పురస్కరించుకుని శ్రీశైలం దేవస్థానంలో శనివారం రాత్రి కార్తీక ఆకాశ దీపం పూజలు నిర్వహించారు. ఇన్‌ఛార్జ్‌ ఈఓ చంద్రశేఖర్ రెడ్డి ఆధ్వర్యంలో పండితులు, అర్చకులు స్థానిక ధ్వజస్తంభం వద్ద ముందుగా గణపతిపూజ, దీపపూజ నిర్వహించారు. అనంతరం ప్రత్యేక ఇత్తడిపాత్రలో దీపాన్ని ఉంచి ధ్వజస్తంభానికి ఏర్పాటు చేశారు. కార్తీకమాసంలో ఆకాశదీపాన్ని దర్శించుకోవడం ద్వారా సకల శుభాలు చేకూరుతాయని పండితులు తెలిపారు.