News November 18, 2024
పాక్‌లో హిందువుల పరిస్థితి చూస్తే బాధేస్తుంది: పవన్
పాకిస్థాన్‌లో ఇద్దరు హిందూ బాలికలు అనుమానాస్పద రీతిలో మృతి చెందిన ఘటనపై ఏపీ Dy.CM పవన్ విచారం వ్యక్తం చేశారు. ఇస్లాంకోట్‌లో హేమ(15), వెంటి(17) చెట్టుకు ఉరివేసుకుని కనిపించారని ఓ నెటిజన్ చేసిన ట్వీట్‌పై ఆయన స్పందించారు. ‘పాక్‌లో హిందూ సోదరీమణులు ఇలాంటి దారుణాలకు బలవ్వడం చాలా బాధాకరం. PAK, BANలో హిందువుల దుస్థితిపై వార్తలు చూసిన ప్రతిసారీ నాకు చాలా బాధ కలుగుతుంది’ అని ట్వీట్ చేశారు.
Similar News
News November 18, 2024
సమగ్ర కులగణన సర్వే 58.3% పూర్తి
TG: సమగ్ర కులగణన సర్వేను ఈనెలాఖరులోగా పూర్తి చేయాలని ప్రభుత్వం భావిస్తుండగా, ఇప్పటివరకూ 58.3% ఇళ్లలో సర్వే పూర్తయినట్లు అధికారులు తెలిపారు. మరో 10 రోజుల్లో ఈ ప్రక్రియ పూర్తయ్యే అవకాశముందన్నారు. రాష్ట్రంలో మొత్తం 1.16కోట్ల ఇళ్లను గుర్తించగా, ఇప్పటివరకూ 67.72 లక్షల ఇళ్లలో సర్వే పూర్తయింది. అత్యధికంగా ములుగు జిల్లాలో 87.1%, నల్గొండలో 81.4%, జనసాంద్రత ఎక్కువగా ఉన్న HYDలో కేవలం 38.3% పూర్తయింది.
News November 18, 2024
టీ అమ్ముకునే వాడంటూ మోదీని అవమానించారు: పవన్
టీ అమ్ముకునే వాడు ప్రధాని అవ్వడమేంటని నరేంద్ర మోదీని కొందరు అవహేళన చేశారని పుణే కంటోన్మెంట్ బహిరంగ సభలో పవన్ కళ్యాణ్ అన్నారు. ‘కొట్టు పెట్టి ఇస్తాం వచ్చి టీ అమ్ముకో’ అని అవమానించారని, అవన్నీ తట్టుకుని ఆయన 3 సార్లు PM అయ్యారని గుర్తుచేశారు. మోదీ మళ్లీ PM అవ్వకూడదని విపక్షాలు ప్రయత్నాలు చేస్తుంటే తాను పట్టుబట్టి APలో BJP, TDPతో కూటమిగా పోటీ చేసి 93% స్ట్రైకింగ్ రేట్‌తో విజయం సాధించామని తెలిపారు.
News November 18, 2024
ఆ వివరాలు వెల్లడించకపోతే ₹10లక్షల ఫైన్: IT
ITR ఫైల్ చేసేటప్పుడు పన్ను చెల్లింపుదారులు తమ విదేశీ ఆస్తులు, ఆదాయాన్ని వెల్లడించాలని IT శాఖ తెలిపింది. ఒకవేళ ఆ వివరాలు వెల్లడించకపోతే బ్లాక్ మనీ అండ్ ఇంపోజిషన్ ఆఫ్ ట్యాక్స్ యాక్ట్ 2015 కింద రూ.10లక్షల జరిమానా విధిస్తామని హెచ్చరించింది. విదేశాల్లో బ్యాంక్ ఖాతాలు, బీమా ఒప్పందాలు, ట్రస్టులు, ఇతర ఆస్తుల వివరాలను తెలపాలని సూచించింది. సవరించిన ITR ఫైల్ చేసేందుకు గడువు DEC 31తో ముగియనుంది.