News November 18, 2024
చాగల్లు: మేనకోడలిపై అత్యాచారం.. నిందితుడు అరెస్ట్
బాలికపై అత్యాచారానికి పాల్పడిన వ్యక్తిని అరెస్ట్ చేసినట్లు ఆదివారం కొవ్వూరు DSP దేవకుమార్ తెలిపారు. అతడిని రాజమండ్రి జైలుకి తరలించామన్నారు. చాగల్లు మండలం దారవరంలో మేనకోడలిపై మామ అత్యాచారం చేసిన ఘటన ఆలస్యంగా వెలుగులోకి వచ్చింది. ఈ ఘటనపై DSP మాట్లాడారు. సమిశ్రాగూడెంలో చదువుతున్న బాలికను దారవరంలోని బంధువుల ఇంటికి తీసుకెళ్లి అత్యాచారం చేశారని బాలిక తల్లిదండ్రుల ఫిర్యాదుతో అతడిని అరెస్టు చేశామన్నారు.
Similar News
News November 18, 2024
ప.గో: వైసీపీకి వరుస షాక్‌లు.. జనసేనలోకి పలువురు నేతలు
ఉమ్మడి ప.గో జిల్లాలో పలువురు YCP నేతలు కూటమి వైపు అడుగులు వేస్తున్నారు. ఆదివారం మంత్రి దుర్గేశ్ సమక్షంలో నిడదవోలు మున్సిపల్ ఛైర్మన్ ఆదినారాయణ, వైస్‌ చైర్‌పర్సన్ వెంకటలక్ష్మితోపాటు ఏడుగురు కౌన్సెలర్లు జనసేనలో చేరారు. వారిలో షాకీరా బేగం, మాణిక్యమాల, జాన్ బాబు, శారదాదేవి తదితరులు ఉన్నారు. నిన్న పాలకొల్లు నియోజకవర్గంలో పలువురు సర్పంచ్‌లు మంత్రి నిమ్మల సమక్షంలో TDPలో చేరిన విషయం తెలిసిందే.
News November 18, 2024
ప.గో: ప్రజా ఫిర్యాదుల పరిష్కార వ్యవస్థ వికేంద్రీకరణ
ప్రజా ఫిర్యాదుల పరిష్కార వ్యవస్థ కార్యక్రమం మండల, డివిజనల్, మున్సిపల్ స్థాయిలో అమలు చేయనున్నట్లు కలెక్టర్ వెట్రిసెల్వి ఆదివారం ఓ ప్రకటనలో తెలిపారు. ప్రజలకు పాలన మరింత చేరువ చేయడానికి వికేంద్రీకరణ చేశామన్నారు. సోమవారం నుంచి ప్రజలు తమ ఫిర్యాదులను మండల, డివిజనల్, మున్సిపల్ కార్యాలయాల్లో ఇవ్వాలన్నారు. ఈ మార్పును గమనించి సద్వినియోగం చేసుకోవాలని ఆమె సూచించారు.
News November 17, 2024
ప్రభుత్వ అరాచకాలపై సంక్రాంతి తర్వాత ప్రణాళిక: మాజీ మంత్రి కారుమూరి
రాష్ట్ర ప్రభుత్వం అవలంబిస్తున్న ప్రజా వ్యతిరేక కార్యక్రమాలతో పాటు అరాచకాలపై వైసీపీ ఆధ్వర్యంలో సంక్రాంతి తర్వాత ప్రత్యేక ప్రణాళిక చేయనున్నట్లు మాజీ మంత్రి కారుమూరి వెంకట నాగేశ్వరరావు అన్నారు. ఆదివారం తణుకు వైసీపీ కార్యాలయంలో ఏర్పాటు చేసిన సమావేశంలో ఆయన మాట్లాడారు. రాష్ట్ర ప్రభుత్వం అన్ని రంగాల్లో విఫలమైందని ఆరోపించారు. సూపర్ సిక్స్ పథకాల పేరుతో కూటమి అధికారంలోకి వచ్చిందన్నారు.