News November 18, 2024
హరీశ్ రావు పక్కచూపులు చూస్తున్నారు: TPCC చీఫ్
TG: BRSలో ఎవరూ మిగలరని, హరీశ్ రావు కూడా పక్క చూపులు చూస్తున్నారని TPCC చీఫ్ మహేశ్ కుమార్ గౌడ్ అన్నారు. కేసీఆర్, కేటీఆర్, కవితలే ఆ పార్టీలో ఉంటారని జోస్యం చెప్పారు. రాష్ట్రంలో జనవరి నుంచి కొంతమందికి పదవులు ఇస్తామన్నారు. స్థానిక సంస్థల ఎన్నికల్లో నాయకులు సత్తా చాటాలని పిలుపునిచ్చారు. మరోసారి కాంగ్రెస్ అధికారంలోకి రావాలని, రాహుల్ గాంధీ ప్రధాని కావాలని మహేశ్ కుమార్ గౌడ్ ఆకాంక్షించారు.
Similar News
News November 18, 2024
గ్యాంగ్‌స్టర్ లారెన్స్ బిష్ణోయ్ తమ్ముడి అరెస్ట్
గ్యాంగ్‌స్టర్ లారెన్స్ బిష్ణోయ్ తమ్ముడు అన్మోల్ బిష్ణోయ్‌‌ను అమెరికాలో అరెస్టు చేసినట్టు తెలుస్తోంది. దీనిపై మరింత సమాచారం రావాల్సి ఉంది. ముంబైలో పొలిటికల్ పార్టీ యాక్టివిటీస్‌లో అతడు జోక్యం చేసుకుంటున్నట్టు NIA ఈమధ్యే గమనించింది. అతడి సమాచారమిస్తే రూ.10 లక్షల బౌంటీ ఇస్తామని ప్రకటించింది. యాక్టర్ సల్మాన్ ఇంటిపై కాల్పుల కేసులో అన్మోల్ మోస్ట్ వాంటెడ్‌గా ఉన్నాడు.
News November 18, 2024
రోహిత్ నిర్ణయాన్ని 100 శాతం సపోర్ట్ చేస్తా: ట్రావిస్ హెడ్
రెండోసారి తండ్రయిన రోహిత్ శర్మ భార్య, బిడ్డలతో గడపడానికి BGT తొలి టెస్టుకు దూరమయ్యారు. ఈ నిర్ణయాన్ని తాను 100 శాతం సపోర్ట్ చేస్తానని ఆసీస్ ప్లేయర్ ట్రావిస్ హెడ్ వెల్లడించారు. ఆ పరిస్థితుల్లో తాను ఉన్నా అదే పనిచేస్తానన్నారు. ‘క్రికెటర్లుగా మేం ఎన్నో త్యాగాలు చేస్తాం. వ్యక్తిగత జీవితంలో ఎన్నో ముఖ్యమైన ఘట్టాలకు దూరమవుతాం. ఆ సమయం మళ్లీ తిరిగిరాదు’ అని పేర్కొన్నారు.
News November 18, 2024
గ్రేడ్-1 ఫీజు రూ.4.20 లక్షలు!
పిల్లలకు మంచి చదువును అందించాలని ప్రతి తల్లిదండ్రులు అనుకుంటారు. అయితే, ఆ చదువిప్పుడు కాస్ట్లీగా మారిపోయిందని ఆవేదన వ్యక్తం చేస్తూ ఓ నెటిజన్ చేసిన ట్వీట్ వైరలవుతోంది. తన కుమార్తె గ్రేడ్ 1 ఫీజు చూసి షాక్ అయ్యానని ఆయన చెప్పారు. రిజిస్ట్రేషన్ ఛార్జీ రూ.2వేలు, అడ్మిషన్ ఫీజు రూ.40వేలు, వార్షిక ఫీజు రూ.2.52 లక్షలు, బస్ ఫీజు రూ.1.08 లక్షలు, స్టేషనరీకి రూ.20వేలు ఇలా మొత్తంగా ఫీజు రూ.4.20లక్షలని తెలిపారు.