News November 18, 2024
కొత్తగూడెం, రామగుండం ఎయిర్పోర్టులకు లైన్ క్లియర్
TG: ఏడాదిలోగా వరంగల్ ఎయిర్పోర్టును అభివృద్ధి చేస్తామని, కొత్తగూడెం, రామగుండం ఎయిర్పోర్టులకు లైన్ క్లియర్ అయినట్లు మంత్రి కోమటిరెడ్డి ప్రకటించారు. హైదరాబాద్- వరంగల్ రోడ్డు విస్తరణకు కేంద్రం అంగీకారం తెలిపిందని చెప్పారు. ఉప్పల్ చౌరస్తా నుంచి నారపల్లి వరకు ఉన్న ఫ్లై ఓవర్ పనులను త్వరగా పూర్తి చేస్తామని తెలిపారు. ఉప్పల్- మేడిపల్లి ఫ్లైఓవర్ పనులు మరో ఏడాదిలో పూర్తవుతాయని సెక్రటేరియట్లో చెప్పారు.
Similar News
News January 31, 2026
ఫిబ్రవరి 14న రాష్ట్ర బడ్జెట్!
AP: అసెంబ్లీ బడ్జెట్ సమావేశాలు ఫిబ్రవరి 11 నుంచి ప్రారంభంకానున్నాయి. ఈ మేరకు అధికారిక ఉత్తర్వులు జారీ చేశారు. 11న ఉదయం 10గంటలకు గవర్నర్ అబ్దుల్ నజీర్ ఉభయ సభలను ఉద్దేశించి ప్రసంగిస్తారు. అనంతరం శాసనసభ వ్యవహారాల కమిటీ సమావేశమై పని దినాలు, అజెండాను ఖరారు చేస్తుంది. ఫిబ్రవరి 14న సభలో బడ్జెట్ ప్రవేశపెట్టే అవకాశముంది. ఈ నేపథ్యంలో FEB 3న CM చంద్రబాబు అధ్యక్షతన ఉ.10.30గం.కు క్యాబినెట్ సమావేశం జరగనుంది.
News January 31, 2026
కొక్కెర వ్యాధి నివారణకు సూచనలు
కోళ్ల షెడ్డును శుభ్రంగా ఉంచి గాలి, వెలుతురు బాగా వచ్చేలా చూసుకోవాలి. సంతలో కొన్న పెట్టలను, పుంజులను టీకాలు వేయకుండా షెడ్డులో కోళ్లతో కలిపి ఉంచకూడదు. పెద్ద, చిన్న కోళ్లను వేరువేరుగా ఉంచాలి. వెటర్నరీ నిపుణుల సూచనలతో కోడిపిల్లలు పుట్టిన తొలి వారంలోనే F1(RD)/Lasota టీకా మందు కంటిలో/ముక్కులో వేస్తే 6 వారాల వరకు ఈ కొక్కెర వ్యాధి రాదు. కోళ్లకు ఆరు వారాల వయసులో R2B (R.D.) వ్యాక్సిన్ 0.5 ml s/c వేయాలి.
News January 31, 2026
గోల్డ్ ట్రేడింగ్.. నిమిషానికి రూ.5.33లక్షల కోట్లు ఆవిరి
చరిత్రలో తొలిసారి నిన్న గ్లోబల్ మార్కెట్లో గోల్డ్ ట్రేడింగ్ తీవ్ర హెచ్చుతగ్గులకు లోనైంది. ఈస్ట్రన్ టైమ్ ప్రకారం ఉ.9.30-10.25 గంటల మధ్య గోల్డ్ మార్కెట్ విలువ రూ.294 లక్షల కోట్ల మేర ఆవిరైనట్లు గ్లోబల్ క్యాపిటల్ మార్కెట్ల కామెంటరీ ప్లాట్ఫామ్ ది కొబెయిసీ లెటర్ తెలిపింది. అంటే నిమిషానికి రూ.5.33 లక్షల కోట్లు. 2008 ఆర్థిక సంక్షోభ సమయంలోనూ గోల్డ్ ట్రేడింగ్ ఈ స్థాయిలో ఊగిసలాటకు లోనవ్వలేదని పేర్కొంది.