News November 19, 2024
కాంట్రాక్ట్ ఉద్యోగులను ఇకపై రెగ్యులరైజ్ చేయవద్దు: హైకోర్టు
TG: కాంట్రాక్ట్ ఉద్యోగులను క్రమబద్ధీకరిస్తూ గత ప్రభుత్వం తెచ్చిన జీవో 16ను <<14652442>>కొట్టివేస్తూ <<>>హైకోర్టు కీలక వ్యాఖ్యలు చేసింది. ఇప్పటికే క్రమబద్ధీకరణ అయిన ఉద్యోగులను తొలగించవద్దన్న కోర్టు, ఇక నుంచి క్రమబద్ధీకరించవద్దని స్పష్టం చేసింది. ఇకపై ఉద్యోగాలన్నీ చట్టప్రకారం, నోటిఫికేషన్ల ద్వారానే భర్తీ చేయాలని ప్రభుత్వానికి సూచించింది.
Similar News
News November 29, 2024
గుండెపోటుతో పదేళ్ల బాలిక మృతి
TG: గుండెపోటుతో పదేళ్ల బాలిక మృతిచెందిన ఘటన మంచిర్యాల జిల్లా జన్నారం మండలంలో చోటుచేసుకుంది. రోటిగూడ గ్రామానికి చెందిన నాగరాజు, అనూష దంపతులకు ఒక కూతురు, కొడుకు ఉన్నారు. నాలుగో తరగతి చదువుతున్న కూతురు సమన్విత(10) గురువారం ఉదయం ఛాతీ నొప్పితో కుప్పకూలింది. తల్లిదండ్రులు వెంటనే ఆస్పత్రికి తరలించగా అప్పటికే బాలిక గుండెపోటుతో చనిపోయినట్లు డాక్టర్లు నిర్ధారించారు.
News November 29, 2024
ఇదే బౌలింగ్ అటాక్ కొనసాగించండి: పుజారా
BGTలో ఆడిలైడ్ పింక్ బాల్ టెస్ట్‌కు సిద్ధమవుతోన్న టీమ్‌ఇండియాకు క్రికెటర్ పుజారా సలహా ఇచ్చారు. తొలి టెస్ట్‌లో సక్సెస్ అయిన బౌలింగ్ అటాక్‌నే కొనసాగించాలన్నారు. బుమ్రా, సిరాజ్, హర్షిత్ రాణాలనే మరోసారి ఎంపిక చేయాలని సూచించారు. బుమ్రా ప్రణాళికలను అమలు చేస్తూ వారిద్దరూ వికెట్లు సాధిస్తున్నట్లు చెప్పారు. అటు, KL రాహుల్‌ను టాప్ ఆర్డర్‌లో ఆడించాలని, ఓపెనర్‌గా లేదా వన్‌డౌన్‌‌లో పంపితే బాగుంటుందన్నారు.
News November 29, 2024
500 కేజీల డ్రగ్స్ పట్టివేత
అరేబియా సముద్రంలో భారీగా డ్రగ్స్ పట్టుబడ్డాయి. భారత నేవీ 500 కేజీల మాదకద్రవ్యాలను పట్టుకుంది. ఫిషింగ్ బోట్లలో డ్రగ్స్ తరలిస్తుండగా స్వాధీనం చేసుకున్నారు. శ్రీలంక నేవీతో కలిసి భారత నౌకాదళం ఈ ఆపరేషన్ చేపట్టింది.