News November 20, 2024
బిట్‌కాయిన్ స్కామ్: BJP ఆరోపణలపై సుప్రియ ఫైర్
తనపై వచ్చిన <<14658660>>బిట్‌కాయిన్ స్కామ్<<>> ఆరోపణలన్నీ అవాస్తవాలేనని NCP SP నేత సుప్రియా సూలె అన్నారు. పోలింగ్ వేళ BJP కుట్ర రాజకీయాలకు తెరతీసిందని విమర్శించారు. ‘BJP నేతలెవరితోనైనా, ఎప్పుడైనా దీనిపై చర్చకు నేను సిద్ధం. పోలింగుకు ముందు రాత్రి ఆ పార్టీ అబద్ధాలు వ్యాప్తి చేయడంలో ఆశ్చర్యమేమీ లేదు. సుదాన్షు త్రివేది ఆరోపణలన్నీ అవాస్తవాలే. మా లాయర్ ఆయనపై క్రిమినల్, సివిల్ పరువునష్టం దావా వేస్తారు’ అని అన్నారు.
Similar News
News November 20, 2024
ICC ర్యాంకింగ్స్‌లో టాప్-3కి తిలక్ వర్మ
తెలుగు క్రికెటర్ తిలక్ వర్మ ICC T20I ర్యాంకింగ్స్‌లో రయ్యుమని దూసుకెళ్లారు. ఒకేసారి ఏకంగా 69 స్థానాలు ఎగబాకి టాప్3కి చేరుకున్నారు. టాప్1లో ట్రావిస్ హెడ్(ఆస్ట్రేలియా) ఉండగా 2వ స్థానంలో సాల్ట్(ఇంగ్లండ్) ఉండగా ఆ తర్వాతి స్థానాన్ని తిలక్ కైవసం చేసుకున్నారు. అరంగేట్రం తర్వాత కేవలం 20 మ్యాచుల్లో తిలక్ ఈ ఫీట్ అందుకోవడం విశేషం. ఇటీవల SAపై వరుస సెంచరీలు చేసిన వర్మ మొత్తం 51.33 సగటుతో 616 రన్స్ చేశారు.
News November 20, 2024
భారత్‌లో ఫుట్‌బాల్ మ్యాచ్‌కు మెస్సీ?
2025లో కేరళతో డిఫెండింగ్ ఛాంపియన్ అర్జెంటీనా ఫుట్‌బాల్ టీమ్ 2 మ్యాచ్‌లు ఆడుతుందని ఆ రాష్ట్ర క్రీడలశాఖ మంత్రి అబ్దురహిమాన్ తెలిపారు. ఇందులో ఫుట్‌బాల్ దిగ్గజం లియోనల్ మెస్సీ కూడా ఆడతారని చెప్పారు. ఇప్పటికే ఇందుకు సంబంధించిన చర్చలు జరుపుతున్నామని పేర్కొన్నారు. కాగా కేరళలో ఫుట్‌బాల్‌కు క్రేజ్ ఎక్కువ. భారత్‌లో ఫుట్‌బాల్ ఎక్కువగా ఆడే కొన్ని రాష్ట్రాల్లో ఇదీ ఒకటి. మెస్సీ చివరిగా 2011లో ఇండియాలో ఆడారు.
News November 20, 2024
థియేటర్లలోకి వారికి నో ఎంట్రీ!
యూట్యూబ్ రివ్యూయర్లు, ఫిల్మ్ క్రిటిక్‌లపై తమిళ చిత్ర నిర్మాతల మండలి కీలక నిర్ణయం తీసుకుంది. ఇకపై థియేటర్లలోకి వారిని అనుమతించకూడదని యాజమాన్యాలను కోరింది. రివ్యూల పేరుతో నటీనటులపై వ్యక్తిగత విమర్శలకు పాల్పడుతుండటంతో TFPC ఈ నిర్ణయం తీసుకుంది. వీరి రివ్యూలు వేట్టయన్, ఇండియన్ 2, కంగువా చిత్రాలపై తీవ్ర ప్రభావం చూపాయని తెలిపింది.