News November 20, 2024
‘గేమ్ ఛేంజర్’ నుంచి త్వరలో మెలోడీ సాంగ్!
గ్లోబల్ స్టార్ రామ్ చరణ్ హీరోగా శంకర్ తెరకెక్కిస్తోన్న ‘గేమ్ ఛేంజర్’ థర్డ్ సింగిల్‌పై మ్యూజిక్ డైరెక్టర్ తమన్ అప్డేట్ ఇచ్చారు. ఇది మెలోడీ సాంగ్ అని, త్వరలో రిలీజ్ అప్డేట్ వస్తుందని ఆయన పేర్కొన్నారు. ఇప్పటికే జరగండి, రా మచ్చా మచ్చా సాంగ్స్ రిలీజవగా మ్యూజిక్ లవర్స్‌ను మెప్పించాయి. దీంతో హీరోహీరోయిన్ మధ్య నడిచే మెలోడీకి సెట్స్, మ్యూజిక్ ఎలా ఉంటాయోనని? అని ఫ్యాన్స్ ఆత్రుతగా ఎదురుచూస్తున్నారు.
Similar News
News November 20, 2024
మీరు ఏ జనరేషన్‌కు చెందినవారు?
భౌగోళిక అంశాలు, ట్రెడిషన్స్, టెక్నాలజీని బట్టి తరాలకు కాల పరిధులను నిర్ణయించారు. ప్రస్తుతం ఆరో జనరేషన్(ఆల్ఫా) నడుస్తోంది. మిగతా ఐదు జనరేషన్స్ గురించి ఓసారి తెలుసుకుందాం. 1925 నుంచి 1945 మధ్య జన్మించిన వారు సంప్రదాయవాదులు. 1946-1964 మధ్య జన్మించిన వారు బేబీ బూమర్స్, 1965-1980 మధ్య జన్మించిన వారు జెనరేషన్ X, 1981-1996లోపు వారు మిలీనియల్స్, 1997-2012లో జన్మిస్తే జెనరేషన్ Z అని అంటారు.
News November 20, 2024
వార్నర్‌తో వివాదాన్ని ముగిస్తా: జాన్సన్
ఆస్ట్రేలియా మాజీ బ్యాటర్ డేవిడ్ వార్నర్‌తో వివాదాన్ని ముగిస్తానని ఆ జట్టు మాజీ బౌలర్ మిచెల్ జాన్సన్ తెలిపారు. బోర్డర్ గవాస్కర్ సిరీస్‌లో వీరిద్దరూ వ్యాఖ్యాతలుగా వ్యవహరించనున్నారు. ఈ నేపథ్యంలోనే పాత వివాదానికి ఫుల్ స్టాప్ పెడతానని జాన్సన్ అన్నారు. వార్నర్‌కు ఆస్ట్రేలియా బోర్డు ఫేర్‌వెల్ టెస్ట్ కేటాయించినప్పుడు.. బాల్ ట్యాంపరింగ్‌ నిందితుడికి ఇలాంటివెందుకంటూ జాన్సన్ మండిపడ్డారు.
News November 20, 2024
అభివృద్ధిని అడ్డుకునేందుకు కాళ్లలో కట్టెలు పెడుతున్నారు: రేవంత్
TG: పదేళ్లలో KCR చేయలేని పనులను తాము పూర్తి చేస్తున్నామని CM రేవంత్ అన్నారు. KCR ఫామ్‌హౌస్‌లో పడుకుంటే KTR, హరీశ్ మన కాళ్ల మధ్య కట్టెలు పెట్టి అభివృద్ధిని అడ్డుకుంటున్నారని మండిపడ్డారు. BRS సరిగా పరిపాలన చేసి ఉంటే రైతు రుణమాఫీ చేయాల్సి వచ్చేదా? అని ప్రశ్నించారు. రూ.11వేల కోట్ల రుణమాఫీకి KCR పదేళ్లు తీసుకుంటే, తాము 25 రోజుల్లో రూ.18వేల కోట్లు మాఫీ చేశామని వేములవాడ సభలో CM స్పష్టం చేశారు.