News November 21, 2024
కీర్తి సురేశ్ కాబోయే భర్త ఆస్తులెంతో తెలుసా?
హీరోయిన్ కీర్తి సురేశ్, ఆంథోనీ తట్టిల్‌ ఒకే స్కూళ్లో చదువుకున్నారు. 12వ తరగతి నుంచి వీరి స్నేహం ప్రేమగా మారిందని కీర్తి తండ్రి తెలిపారు. ఇంజినీరింగ్ పూర్తి చేసిన ఆంథోనీ కొన్నాళ్లు గల్ఫ్ దేశం ఖతర్‌లో పని చేశారు. ఆ తర్వాత కొచ్చి (కేరళ)కి వచ్చి ఓ కంపెనీ స్థాపించారు. Asperos అనే మరో సంస్థ, హోటల్ వ్యాపారాలు కూడా ఉన్నట్లు తెలుస్తోంది. ఆంథోనీకి సుమారు రూ.300 కోట్ల ఆస్తులు ఉన్నాయని సమాచారం.
Similar News
News November 22, 2024
రిజిస్ట్రేషన్ విలువల సవరింపు వాయిదా
AP: ఆస్తుల క్రయవిక్రయాల రిజిస్ట్రేషన్ విలువల సవరింపును రాష్ట్ర ప్రభుత్వం జనవరికి వాయిదా వేసింది. గత ప్రభుత్వం కొన్ని ప్రాంతాల్లో విలువలను పెంచగా, వాటిని తగ్గించాలని ప్రభుత్వం నిర్ణయించింది. అలాగే అభివృద్ధి ప్రాతిపదికన ఇతర చోట్ల పెంచనుంది. సవరించిన విలువలను తొలుత డిసెంబర్ 1 నుంచి అమల్లోకి తేవాలని భావించింది. కానీ విలువల నిర్ధారణకు మరింత సమయం పట్టే అవకాశం ఉండడంతో వాయిదా వేసింది.
News November 22, 2024
తెలుగు రాష్ట్రాలు గజగజ
తెలుగు రాష్ట్రాల్లో చలి విజృంభిస్తోంది. ఏపీలోని పాడేరు ఏజెన్సీలో పొగమంచు దట్టంగా అలుముకుంది. మినములూరులో అత్యల్పంగా 9, అరకులో 10, పాడేరు 11 డిగ్రీల టెంపరేచర్ నమోదైంది. అటు తెలంగాణలోని ఆదిలాబాద్ ఏజెన్సీలోనూ చలి చంపేస్తోంది. సిర్పూర్(యు)లో 10.4 డిగ్రీల ఉష్ణోగ్రత రికార్డైంది. దీంతో ప్రజలు తీవ్ర ఇబ్బందులు పడుతున్నారు.
News November 22, 2024
STOCK MARKETS: నిన్న బేర్ పంజా.. నేడెలా ఉంటాయో!
అదానీపై US కోర్టు అభియోగాల దెబ్బకు దేశీయ స్టాక్ మార్కెట్లు నిన్న విలవిల్లాడాయి. భారీ నష్టాల్లో ముగిశాయి. ఆ ప్రభావం నేడూ ఉంటుందా అని ఇన్వెస్టర్లు సందేహిస్తున్నారు. ప్రస్తుతం గ్లోబల్ మార్కెట్ల నుంచి పాజిటివ్ సిగ్నల్సే అందుతున్నాయి. ఆసియా సూచీలూ జోరు ప్రదర్శిస్తున్నాయి. గిఫ్ట్ నిఫ్టీ 70 పాయింట్ల మేర పెరగడం శుభసూచకం. రష్యా ICBM దాడి ప్రభావం ఉంటుందేమో చూడాలి. మరి సెన్సెక్స్, నిఫ్టీ ఎలా ఓపెనవుతాయంటారు?