News November 21, 2024
టేబుల్ టాపర్‌గా తెలుగు టైటాన్స్
ప్రో కబడ్డీలో తెలుగు టైటాన్స్ మరో విజయం సాధించింది. బెంగాల్ వారియర్స్‌తో జరిగిన మ్యాచ్‌లో 31-29 పాయింట్ల తేడాతో గెలిచింది. విజయ్ మాలిక్ సూపర్-10తో రాణించడంతో తెలుగు టైటాన్స్ విక్టరీ సాధించింది. ఈ గెలుపుతో టైటాన్స్ పాయింట్ల పట్టికలో అగ్ర స్థానానికి దూసుకెళ్లింది. టైటాన్స్ ఇప్పటివరకు 12 మ్యాచులు ఆడి 8 గెలిచి నాలుగింట్లో ఓడింది.
Similar News
News November 22, 2024
STOCK MARKETS: నిన్న బేర్ పంజా.. నేడెలా ఉంటాయో!
అదానీపై US కోర్టు అభియోగాల దెబ్బకు దేశీయ స్టాక్ మార్కెట్లు నిన్న విలవిల్లాడాయి. భారీ నష్టాల్లో ముగిశాయి. ఆ ప్రభావం నేడూ ఉంటుందా అని ఇన్వెస్టర్లు సందేహిస్తున్నారు. ప్రస్తుతం గ్లోబల్ మార్కెట్ల నుంచి పాజిటివ్ సిగ్నల్సే అందుతున్నాయి. ఆసియా సూచీలూ జోరు ప్రదర్శిస్తున్నాయి. గిఫ్ట్ నిఫ్టీ 70 పాయింట్ల మేర పెరగడం శుభసూచకం. రష్యా ICBM దాడి ప్రభావం ఉంటుందేమో చూడాలి. మరి సెన్సెక్స్, నిఫ్టీ ఎలా ఓపెనవుతాయంటారు?
News November 22, 2024
క్రికెట్ కలిపింది ఇద్దరినీ: మోదీ
భారత్, గయానా బంధాన్ని క్రికెట్, కల్చర్, కుసైన్ మరింత గాఢంగా మార్చాయని PM మోదీ అన్నారు. అక్కడి భారతీయులు, క్రికెటర్లతో మాట్లాడారు. ‘క్రికెట్‌పై ప్రేమ మన రెండు దేశాల్ని బలంగా కలుపుతోంది. అది ఆటే కాదు ఓ జీవన విధానం. అది మనకు గుర్తింపునిచ్చింది. రెండు దేశాల దినుసులు కలిపిచేసే ఇండో గయానిస్ వంటలు ప్రత్యేకం. దాల్‌పూరి ఇక్కడ ఫేమస్. నాకు చక్కని ఆతిథ్యం అందించిన ప్రెసిడెంట్ అలీకి థాంక్స్’ అని అన్నారు.
News November 22, 2024
సంక్రాంతి తర్వాత సర్పంచ్ ఎన్నికలు?
TG: 2025 జనవరిలో పంచాయతీ ఎన్నికలు నిర్వహించేందుకు ప్రభుత్వం ప్లాన్ చేస్తున్నట్లు సమాచారం. డిసెంబర్ రెండో వారం నాటికి రిజర్వేషన్లపై స్పష్టత వచ్చే అవకాశం ఉన్న నేపథ్యంలో, డిసెంబర్ చివర్లో లేదా జనవరి మొదటి వారంలో ఎన్నికల షెడ్యూల్ విడుదల చేయాలని భావిస్తున్నట్లు తెలుస్తోంది. సంక్రాంతి తర్వాత మొత్తం మూడు విడతల్లో సర్పంచ్ ఎన్నికలను పూర్తి చేసేలా ప్రణాళికలు రూపొందిస్తున్నట్లు సమాచారం.