News November 21, 2024
అసలు ఏంటీ ‘అదానీ స్కాం’!
ప్రభుత్వరంగ సంస్థ సోలార్ ఎనర్జీ కార్పొరేషన్ ఆఫ్ ఇండియా (SECI)కు <<14669944>>అదానీ<<>> గ్రూప్ 12 GW సోలార్ విద్యుత్‌ను సప్లై చేయాలి. SECI రాష్ట్రాల్లోని డిస్కంలతో ఆ పవర్‌ను కొనుగోలు చేయించాలి. ఇది ఒప్పందం. కానీ SECI విఫలం కావడంతో అదానీ ఆయా రాష్ట్రప్రభుత్వాల ప్రతినిధులు, డిస్కంలకు రూ.2వేల కోట్ల లంచం ఇచ్చి SECI నుంచి పవర్ కొనుగోలు చేయించారని అభియోగం. ఇందులో APకే రూ.1750 కోట్లు అందించారని US కోర్టులో కేసు నమోదైంది.
Similar News
News November 22, 2024
FLASH: మార్చి 14 నుంచి IPL
IPLలో రాబోయే మూడు సీజన్లకు సంబంధించిన షెడ్యూల్ విడుదలైంది. IPL-2025 మార్చి 14న ప్రారంభం అవుతుంది. ఫైనల్ మే 25న జరుగుతుంది. పూర్తి షెడ్యూల్ త్వరలోనే రానుంది. ఇక 2026 IPL మార్చి 15- మే 31 మధ్య జరుగుతుంది. 2027 IPL మార్చి 14-మే 30 మధ్య జరుగుతుంది. కాగా ఈ సీజన్‌కు సంబంధించిన వేలంపాట ఈ నెల 24, 25 తేదీల్లో జరగనున్న విషయం తెలిసిందే.
News November 22, 2024
‘హలో’ ఎలా వచ్చిందో తెలుసా?
ఫోన్ ఎత్తగానే ‘హలో’ అని పలకరిస్తుంటాం. అసలు ఈ పదం ఎలా వచ్చిందో తెలుసుకుందాం. ఆక్స్‌ఫర్డ్ డిక్షనరీ ప్రకారం హలో అనే పదం holla, hollo అనే రెండు పదాల నుంచి వచ్చింది. దూరంగా ఉన్న ఒక వ్యక్తిని పిలిచేందుకు ఈ పదాలను వాడతారు. బ్రిటిష్ జర్నలిస్టు బ్రిసన్ ప్రకారం ‘hale be thou’ అనే ఓల్డ్ ఇంగ్లిష్ ఫ్రేజ్‌ నుంచి తీసుకోగా, ‘ఆరోగ్యంగా ఉండాలని ఆశించడం’ దీని అర్థం. ‘హలో’ అనే పదాన్ని మాత్రం ఎడిసన్ సిఫారసు చేశారు.
News November 22, 2024
రిజిస్ట్రేషన్ విలువల సవరింపు వాయిదా
AP: ఆస్తుల క్రయవిక్రయాల రిజిస్ట్రేషన్ విలువల సవరింపును రాష్ట్ర ప్రభుత్వం జనవరికి వాయిదా వేసింది. గత ప్రభుత్వం కొన్ని ప్రాంతాల్లో విలువలను పెంచగా, వాటిని తగ్గించాలని ప్రభుత్వం నిర్ణయించింది. అలాగే అభివృద్ధి ప్రాతిపదికన ఇతర చోట్ల పెంచనుంది. సవరించిన విలువలను తొలుత డిసెంబర్ 1 నుంచి అమల్లోకి తేవాలని భావించింది. కానీ విలువల నిర్ధారణకు మరింత సమయం పట్టే అవకాశం ఉండడంతో వాయిదా వేసింది.