News November 22, 2024
మా ఇంట్లో జరిగింది రేవ్ పార్టీ కాదు.. బర్త్ డే పార్టీ: సుష్మిత
TG: మంత్రి <<14675277>>కొండా సురేఖ<<>> ఇంట్లో రేవ్ పార్టీ జరిగిందని జరుగుతోన్న ప్రచారంపై ఆమె కూతురు సుష్మితా పటేల్ స్పందించారు. తమ ఇంట్లో జరిగిందని రేవ్ పార్టీ కాదని, తన కూతురి పుట్టినరోజు వేడుక అని వెల్లడించారు. ఆ బర్త్ డే పార్టీలో ఎలాంటి చట్టవిరుద్ధమైన కార్యకలాపాలు జరగలేదన్నారు. సురేఖ తన స్టాఫ్‌ను ఇంట్లో వాళ్లుగానే చూసుకుంటారని, అందుకే వేడుకకు వాళ్లను ఆహ్వానించారని ఆమె చెప్పారు.
Similar News
News November 23, 2024
ఆన్‌లైన్ మోటార్ బీమాలో మారుతీ, హ్యుందాయ్ హవా
ఆన్‌లైన్ మోటార్ బీమాలో మారుతీ, హ్యుందాయ్ సంస్థలు దూసుకెళ్తున్నాయని పాలసీబజార్ నివేదిక తాజాగా వెల్లడించింది. వాగన్ఆర్(5.9శాతం), స్విఫ్ట్(5.9), ఐ20(4.4), బలేనో(4.3), ఆల్టో(4.2శాతం) మార్కెట్లో మంచి వాటా దక్కించుకున్నాయని పేర్కొంది. ఇక EVల ఆన్‌లైన్ ఇన్సూరెన్స్‌లో 2022లో 423శాతం, గత ఏడాది 399శాతం పెరుగుదల నమోదైందని తెలిపింది. బీమా కొనుగోలుదారుల్లో అత్యధికులు 25 నుంచి 40 ఏళ్ల మధ్యవారేనని వివరించింది.
News November 23, 2024
రిషభ్ పంత్ ఖాతాలో మరో మైలురాయి
టీమ్ ఇండియా ప్లేయర్ రిషభ్ పంత్ ఖాతాలో మరో మైలురాయి చేరింది. వరల్డ్ టెస్టు ఛాంపియన్‌షిప్ చరిత్రలో అత్యధిక పరుగులు చేసిన మూడో భారత ఆటగాడిగా పంత్ నిలిచారు. ఇప్పటివరకు ఆయన 2,032 పరుగులు చేశారు. 52 ఇన్నింగ్సుల్లోనే ఆయన ఈ ఘనత అందుకోవడం విశేషం. తొలి రెండు స్థానాల్లో రోహిత్ (2,685), కోహ్లీ (2,432) ఉన్నారు. అలాగే ఆస్ట్రేలియాలో అత్యధిక పరుగులు చేసిన విదేశీ వికెట్ కీపర్‌గానూ పంత్ (661) రికార్డులకెక్కారు.
News November 23, 2024
ఏలియన్స్‌కు నక్షత్రాలే వాహనాలు?
అత్యంత అభివృద్ధి చెందిన గ్రహాంతరవాసులు విశ్వాన్ని అన్వేషించేందుకు వేగంగా కదిలే చిన్న నక్షత్రాలను వాహనాలుగా వాడుకుంటూ ఉండొచ్చని బెల్జియం పరిశోధకులు తాజాగా ప్రతిపాదించారు. వ్యోమనౌకను తయారుచేయడం కంటే నక్షత్రాల అయస్కాంత శక్తినే ఇంధనంగా వాడుకుంటూ వాటిపై ప్రయాణించడం వారికి సులువుగా ఉంటుందని అభిప్రాయపడ్డారు. ఈ థియరీని పలువురు శాస్త్రవేత్తలు కొట్టిపారేస్తుండటం గమనార్హం.