News November 22, 2024
దేశంలో టెలికం యూజర్ల సంఖ్య ఇలా!
టెలికం రంగంలో పెను మార్పులు వస్తున్నాయి. BSNL తీసుకున్న కొన్ని నిర్ణయాలు జియో, ఎయిర్టెల్ వంటి కంపెనీలకు గట్టి పోటీనిచ్చేలా మారాయి. గత కొన్ని నెలలుగా సంస్థకు భారీగా వినియోగదారులు పెరిగారు. సెప్టెంబర్ 30 వరకు టెలికం మార్కెట్లో ఉన్న కంపెనీల షేర్స్ ఇలా ఉన్నాయి. Jio యూజర్లు 47.7 కోట్లు, Airtel యూజర్లు 28.5 కోట్లు, Vodaphone Idea యూజర్లు 12.26 కోట్లు, BSNL యూజర్లు 3.7 కోట్లు.
Similar News
News January 9, 2026
కొల్లాజెన్ ఎక్కువగా దొరికే ఆహారాలు
మన చర్మం ఆరోగ్యంగా ఉండాలన్నా, జుట్టు మృదువుగా, ఉండాలన్నా కొల్లాజెన్ కీలకం. కొల్లాజెన్ కోసం సాల్మన్, ట్యూనా, సార్డినెస్ చేపలు, సిట్రస్ పండ్లు, బెర్రీలు, గుడ్లు, పాలకూర, కాలే, బచ్చలికూర వంటి ఆకుకూరల్లో కొల్లాజెన్ దొరుకుతుంది. ధూమపానం, ఎండలో గడపడం, అధిక చక్కెరలు, అల్ట్రా ప్రాసెస్డ్ ఫుడ్స్, అధిక ఒత్తిడి స్థాయులు కూడా శరీరంలో కొలాజెన్ క్షీణతకు కారణమవుతాయి. కాబట్టి వాటికి దూరంగా ఉండాలి.
News January 9, 2026
రాష్ట్ర పండుగగా కోనసీమ ప్రభల తీర్థం.. విశేషమిదే!
AP: కోనసీమ సంస్కృతి, సంప్రదాయాలకు నిదర్శనంగా నిలిచే జగ్గన్నతోట ప్రభల తీర్థానికి రాష్ట్ర పండుగ హోదా లభించింది. ఈ వేడుకలకు 400+ ఏళ్ల చరిత్ర ఉంది. ఏటా కనుమ రోజున ఈ తీర్థాన్ని నిర్వహిస్తారు. 11 గ్రామాల్లోని పురాతన శైవ ఆలయాల నుంచి 11 ఏకాదశ రుద్రులతో ప్రభలను ప్రజలు మోసుకుంటూ పొలాలు, తోటలు, కౌశికా నదిని దాటుకుని జగ్గన్నతోటకు చేరుస్తారు. ఈ ఉత్సవాలను చూసేందుకు ఏటా దాదాపు 6 లక్షల మంది హాజరవుతారని అంచనా.
News January 9, 2026
మెక్సికో డ్రగ్స్ ముఠాలపై నేరుగా దాడి చేస్తాం: ట్రంప్
మెక్సికో నుంచి అమెరికాలోకి పెద్ద ఎత్తున డ్రగ్స్ వస్తున్నాయని ట్రంప్ అన్నారు. దీని వల్ల ఏటా వేలాది మంది అమెరికన్ పౌరులు మరణిస్తున్నారని తెలిపారు. పరిస్థితి చాలా అధ్వానంగా తయారైందన్నారు. మెక్సికోను పూర్తిగా డ్రగ్స్ ముఠాలు నడుపుతున్నాయని ఆరోపించారు. దీన్ని అడ్డుకునేందుకు వారిపై నేరుగా దాడులు చేస్తామని ట్రంప్ హెచ్చరించారు. సరిహద్దుల్లో చొరబాట్లు లేకుండా పటిష్ఠ చర్యలు తీసుకుంటామన్నారు.