News November 22, 2024
డిగ్రీ లేని గవర్నమెంట్ డాక్టర్.. 44 కంటి ఆపరేషన్లు
హరియాణాలో విజయ్ అనే డాక్టర్ పట్టా అందుకోకుండానే 44 కంటి ఆపరేషన్లు చేశారు. ఏడాదికి 1000 కంటి ఆపరేషన్లు చేసే హిసార్ సివిల్ హాస్పిటల్‌లో వైద్యుల కొరత ఏర్పడింది. దీంతో సర్జన్ల కొరత పూడ్చేందుకు PG పూర్తి కాకుండానే విజయ్‌ని హెల్త్ డిపార్ట్‌మెంట్ ఆ హాస్పిటల్‌లో హడావుడిగా నియమించింది. విషయం తెలుసుకున్న నేషనల్ ప్రోగ్రామ్ ఫర్ కంట్రోల్ ఆఫ్ బ్లైండ్‌నెస్ అతడిని విధుల నుంచి తొలగించాలని ఆదేశాలు జారీ చేసింది.
Similar News
News November 23, 2024
గ్రూప్-2 వాయిదా వేయాలని డిమాండ్
TG: రాష్ట్రంలో గ్రూప్-2 పరీక్షలు డిసెంబర్ 15, 16 తేదీల్లో జరగనుండగా, RRB జూ.ఇంజినీర్, టెక్నీషియన్ పోస్టుల భర్తీకి అదే నెల 16, 17, 18 తేదీల్లో ఎగ్జామ్స్ ఉన్నాయి. 16న ఒకే రోజు రెండు పరీక్షలు ఉండడంతో, రెండింటికీ దరఖాస్తు చేసుకున్న వారు ఏదో ఒక దానిని వదులుకోవాల్సిన పరిస్థితి ఏర్పడింది. RRB దేశవ్యాప్తంగా జరిగే పరీక్ష కావడంతో రాష్ట్ర ప్రభుత్వం గ్రూప్-2ను వాయిదా వేయాలని అభ్యర్థులు డిమాండ్ చేస్తున్నారు.
News November 23, 2024
పెర్త్ టెస్టుకు రికార్డ్ బ్రేకింగ్ అటెండెన్స్
పెర్త్ వేదికగా ఇండియా, ఆస్ట్రేలియా మధ్య జరుగుతున్న BGT తొలి టెస్టుకు తొలి రోజు 31,302 మంది ప్రేక్షకులు హాజరయ్యారు. ఒక్క రోజులో ఇంత మంది అక్కడ మ్యాచ్‌ను చూడటం ఇదే తొలిసారి. దీంతో పెర్త్‌లో సింగిల్ డేలో అత్యధిక మంది చూసిన మ్యాచ్‌గా ఇది రికార్డు సృష్టించింది. నేడు, రేపు మ్యాచ్ మరింత ఆసక్తికరంగా జరిగే అవకాశమున్న నేపథ్యంలో ఈ టెస్టులోనే ఈ రికార్డు బ్రేక్ అవుతుందని ఫ్యాన్స్ అంటున్నారు.
News November 23, 2024
నేడే మహారాష్ట్ర, ఝార్ఖండ్ అసెంబ్లీ ఎన్నికల ఫలితాలు
మహారాష్ట్రలో 288, ఝార్ఖండ్‌లో 81 అసెంబ్లీ స్థానాల ఫలితాలు ఇవాళ వెలువడనున్నాయి. MHలో మహాయుతి, మహా వికాస్ అఘాడీ కూటముల్లో ఏది గెలవనుందనే దానిపైనే అందరి దృష్టి నెలకొంది. అలాగే వివిధ రాష్ట్రాల్లో 48 అసెంబ్లీ స్థానాలకు, రెండు లోక్‌సభ స్థానాలకు జరిగిన ఉపఎన్నికల ఫలితాలూ నేడే రానున్నాయి. వయనాడ్ లోక్ సభ స్థానంలో నిలిచిన ప్రియాంక గాంధీ భవితవ్యం ఈరోజే తేలనుంది. ఉ.8 గంటలకు కౌంటింగ్ స్టార్ట్ అవుతుంది.