News November 23, 2024
ఏలియన్స్‌కు నక్షత్రాలే వాహనాలు?
అత్యంత అభివృద్ధి చెందిన గ్రహాంతరవాసులు విశ్వాన్ని అన్వేషించేందుకు వేగంగా కదిలే చిన్న నక్షత్రాలను వాహనాలుగా వాడుకుంటూ ఉండొచ్చని బెల్జియం పరిశోధకులు తాజాగా ప్రతిపాదించారు. వ్యోమనౌకను తయారుచేయడం కంటే నక్షత్రాల అయస్కాంత శక్తినే ఇంధనంగా వాడుకుంటూ వాటిపై ప్రయాణించడం వారికి సులువుగా ఉంటుందని అభిప్రాయపడ్డారు. ఈ థియరీని పలువురు శాస్త్రవేత్తలు కొట్టిపారేస్తుండటం గమనార్హం.
Similar News
News November 23, 2024
మహారాష్ట్ర లీడింగ్స్: మ్యాజిక్ ఫిగర్ దాటేసిన మహాయుతి
మహారాష్ట్ర ఓట్ల లెక్కింపులో NDA కూటమి దూకుడు ప్రదర్శిస్తోంది. విపక్ష MVAను వెనక్కి నెట్టేసింది. మ్యాజిక్ ఫిగర్ 145ను దాటేసింది. ప్రస్తుతం 149 స్థానాల్లో జోరు చూపిస్తోంది. మరోవైపు కాంగ్రెస్ కూటమీ 97 స్థానాల్లో ఆధిపత్యం ప్రదర్శిస్తోంది. ఇతరులు 5 స్థానాల్లో ముందంజలో ఉన్నారు. ఇంకా లెక్కింపు జరుగుతుండటంతో ఆధిక్యాలు మారే అవకాశం ఉంది.
News November 23, 2024
ఎవరు బాహుబలి..? ఎవరు మహాబలి..?
మహారాష్ట్ర ఎన్నికల్లో ప్రస్తుతం మహాయుతి ఆధిక్యత కనబరుస్తోంది. కాగా ఇందులోని అన్ని పార్టీల సారథులూ సీఎం పదవిపై ఆశలు పెట్టుకున్నారు. శివసేన (శిండే వర్గం) చీఫ్, ప్రస్తుత సీఎం ఏక్‌నాథ్ శిండే మరోసారి సీఎం అవుతానని ధీమాగా ఉన్నారు. అయితే ఆయన కింగ్ మేకర్ అనేలా మారుతారా? మరోసారి BJP ఈ ఛాన్స్ ఇస్తుందా?. ఇక ఈ పదవిని ఆశిస్తున్న NCP (అజిత్ వర్గం) సారథి, డిప్యూటీ సీఎం అజిత్ పవార్ స్వయంగా వెనకబడ్డారు.
News November 23, 2024
ఝార్ఖండ్ లీడింగ్స్: మ్యాజిక్ ఫిగర్ 41 దాటేసిన బీజేపీ
ఝార్ఖండ్ ఓట్ల లెక్కింపులో NDA దూకుడు కనబరుస్తోంది. మ్యాజిక్ ఫిగర్ 41ని దాటేసింది. ప్రస్తుతం 42 స్థానాల్లో ఆధిక్యం కనబరుస్తోంది. మరోవైపు ఇండియా కూటమీ తగ్గేదే లే అంటోంది. 37 సీట్లలో ముందంజలో కొనసాగుతోంది. ఇంకా ఒకట్రెండు రౌండ్ల ఓట్ల లెక్కింపే జరగడంతో ఆధిక్యాలు మారే అవకాశం కనిపిస్తోంది. ప్రస్తుత పోటీని చూస్తుంటే ఇప్పుడు ఎవరు గెలుస్తారో చెప్పడం కష్టమే.