News November 23, 2024
ఫలితాలకు ముందే క్యాంప్ కసరత్తులు
మహారాష్ట్ర అసెంబ్లీ ఫలితాల కౌంటింగ్ మొదలవక ముందే అక్కడ క్యాంపు రాజకీయాలకు తెరలేచింది. తాము గెలుస్తామని భావిస్తున్న మహా వికాస్ అఘాడీ గెలిచిన నేతలు చేజారకుండా శిబిరాలకు తరలించే కసరత్తు చేస్తోంది. తమ నేతలను ముంబైలోని క్యాంపుకు పంపుతామని శివసేన నేత సంజయ్ రౌత్ నిన్న ప్రకటించారు. అటు కూటమిలోని మిగతా పార్టీలు తెలంగాణ లేదా కర్ణాటకలో గెలిచిన అభ్యర్థులను దాచిపెట్టే అవకాశముందని సమాచారం.
Similar News
News November 23, 2024
వేగంగా, నెమ్మదిగా.. ఎలా అయినా ఓకే అంటోన్న జైస్వాల్
టీమ్ఇండియా యంగ్ ఓపెనర్ యశస్వీ జైస్వాల్ ఆస్ట్రేలియాతో జరుగుతున్న తొలి టెస్టులో అదరగొడుతున్నారు. అవసరమైనప్పుడు వేగం కంటే నిలకడగా ఆడటం ముఖ్యమని తెలుసుకున్నారు. ఈ క్రమంలోనే ఆసీస్‌పై 123 బంతుల్లో ఫిఫ్టీ పూర్తి చేసుకున్నారు. బంగ్లాదేశ్‌తో టెస్టులో కేవలం 31 బంతుల్లోనే అర్ధ సెంచరీ చేసిన ఆయన ఇలా లాంగ్ ఇన్నింగ్స్ కూడా ఆడగలనని నిరూపిస్తున్నారు. యశస్వీ సెంచరీ దిశగా సాగుతున్నారు.
News November 23, 2024
చంద్రబాబూ.. నిజం కూడబలుక్కుని చెప్పండి: అంబటి
AP: దేశంలో ‘జమిలి’ వచ్చినా రాష్ట్రంలో 2029లోనే ఎన్నికలుంటాయన్న సీఎం చంద్రబాబు <<14686913>>వ్యాఖ్యలపై<<>> మాజీ మంత్రి అంబటి రాంబాబు స్పందించారు. ‘2027లోనే జమిలి అని బీజేపీ అంటోంది. జమిలి వచ్చినా 2029లోనే ఏపీ ఎన్నికలు అని చంద్రబాబు అంటున్నారు. నిజం కూడబలుక్కుని చెప్పండి’ అని ట్వీట్ చేశారు.
News November 23, 2024
EVMలపై అనుమానం వ్యక్తం చేసిన నటి
MHలోని అనుశక్తి నగర్‌లో తన భర్త, NCP SP అభ్య‌ర్థి ఫహ‌ద్ అహ్మ‌ద్ 3వేల ఓట్ల తేడాతో ఓడిపోవడంతో నటి స్వరా భాస్కర్ EVMలపై ఆరోపణలు చేశారు. రౌండ్ 17, 18, 19లలో ఈవీఎంలు కౌంటింగ్ పూర్తయ్యాక కూడా 99శాతం బ్యాటరీ ఛార్జింగ్ ఉన్నట్లు పేర్కొన్నారు. ‘రోజంతా ఓటు వేసిన యంత్రాల్లోని బ్యాటరీలలో 99% ఛార్జింగ్ ఎలా ఉంటుంది. వీటిల్లో బీజేపీ, దాని మిత్రపక్షాలకు అనుకూలంగా ఓట్లొచ్చాయి’ అని ఆమె ట్వీట్ చేశారు.