News November 23, 2024
వయనాడ్‌లో ప్రియాంక హవా
వయనాడ్ ఉప ఎన్నిక ఫలితాల్లో కాంగ్రెస్ ఎంపీ అభ్యర్థి ప్రియాంకా గాంధీ దూసుకెళ్తున్నారు. తన ప్రత్యర్థిపై 52 వేల ఓట్లకుపైగా ఆధిక్యంలో కొనసాగుతున్నారు. కాగా ఇక్కడ బీజేపీ తరఫున నవ్యా హరిదాస్ బరిలో ఉన్నారు.
Similar News
News November 23, 2024
టెన్త్ అర్హత.. 8 నుంచి ‘అగ్నివీర్’ ర్యాలీ
TG: తెలంగాణలోని 33 జిల్లాల అభ్యర్థులకు డిసెంబర్ 8 నుంచి 16 వరకు హైదరాబాద్‌లో అగ్నివీర్ రిక్రూట్‌మెంట్ ర్యాలీ నిర్వహించనున్నట్లు అధికారులు తెలిపారు. గచ్చిబౌలిలోని జీఎంసీ బాలయోగి స్టేడియంలో ఫిజికల్ ఈవెంట్స్ ఉంటాయని చెప్పారు. జనరల్ డ్యూటీ, టెక్నికల్, క్లర్క్/స్టోర్ కీపర్ పోస్టులకు టెన్త్ పాసై, 17-21 ఏళ్ల వయసు ఉండాలని సూచించారు. సందేహాలు ఉంటే 040-27740059కు కాల్ చేయొచ్చని పేర్కొన్నారు.
News November 23, 2024
KTR సిద్ధమా?.. మల్లు రవి సవాల్
TG: నాగర్ కర్నూల్ జిల్లా వంగూరు(M) కొండారెడ్డిపల్లి మాజీ సర్పంచ్ సాయి రెడ్డి ఆత్మహత్యతో CMకు సంబంధం లేదని MP మల్లు రవి తెలిపారు. గ్రామంలో గ్రామస్థుల కోరిక మేరకు ప్రభుత్వ స్థలంలో పశువుల ఆసుపత్రి నిర్మించారని, మాజీ సర్పంచ్ ఇంటికి దారి కూడా వదిలేశారన్నారు. దారి లేనట్టు నిరూపిస్తే ఎలాంటి శిక్షకైనా సిద్ధం అని, KTR సిద్ధమేనా? అని సవాల్ విసిరారు. రాజకీయ లబ్ధి కోసం అవాస్తవాలు ప్రచారం చేయడం ఆపాలన్నారు.
News November 23, 2024
సంప్రదాయం బ్రేక్.. JMM సరికొత్త రికార్డ్
ఝార్ఖండ్‌లో రెండోసారి పూర్తి మెజార్టీతో అధికారాన్ని చేపట్టిన JMM+ ఆ రాష్ట్రంలో సరికొత్త చరిత్రను సృష్టించింది. 2000 సంవత్సరం నుంచి ఇప్పటివరకు ప్రతి ఎలక్షన్‌లో బొటాబొటీ మెజార్టీతో BJP, JMM అధికారాన్ని మార్చుకుంటున్నాయి. అయితే ఈసారి ఆ సంప్రదాయాన్ని JMM బ్రేక్ చేసింది. అలాగే వరుసగా రెండుసార్లు(రాష్ట్రపతి పాలన లేకుండా) సీఎం పదవి చేపట్టిన నేతగా హేమంత్ సోరెన్ నిలవనున్నారు.