News November 23, 2024
SKU బ్యాడ్మింటన్ జట్టు ఇదే..!
శ్రీకృష్ణదేవరాయ యూనివర్సిటీ అంతర కళాశాలల బ్యాడ్మింటన్ జట్టు ప్రకటించారు. ఇందులో జాహ్నవి(వాణి డిగ్రీ కళాశాల), తన్మయి (SSGS డిగ్రీ కళాశాల గుంతకల్), సమీరా (SSBN డిగ్రీ కళాశాల) ఉన్నారు. ఈ జట్టు సౌత్ జోన్ ఇంటర్ యూనివర్సిటీ, జట్లతో తలపడనుంది. విశ్వేశ్వరయ్య యూనివర్సిటీ బెల్గావ్ యూనివర్సిటీ లో 26 నుంచి 28 వరకు పోటీలు జరగుతాయని రిజిస్టార్ రమేశ్ బాబు తెలిపారు.
Similar News
News November 27, 2024
తాడిపత్రిలో రైలు కిందపడి తల్లీకొడుకు ఆత్మహత్య
తాడిపత్రి రైల్వే స్టేషన్-చల్లవారిపల్లి మధ్య తల్లీకొడుకు నారాయణమ్మ, శ్రీనివాసులు రైలు కిందపడి ఆత్మహత్య చేసుకున్నారు. ఈ ఘటన మంగళవారం అర్ధరాత్రి చోటు చేసుకున్నట్లు జీఆర్‌పీ ఎస్సై నాగప్ప చెప్పారు. పెద్దపప్పూరు మండలం తబ్జూల గ్రామానికి చెందిన నారాయణమ్మ, శ్రీనివాసులు కుటుంబ కలహాల కారణంగా రైలు కిందపడి ఆత్మహత్య చేసుకున్నట్లు తెలుస్తోంది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
News November 27, 2024
కడప ఎస్పీకి జేసీ లేఖ.. నేడు ఏం జరగనుంది?
జమ్మలమడుగు ఎమ్మెల్యే ఆదినారాయణ రెడ్డి సోదరుడి కుమారుడు భూపేశ్ రెడ్డిని JC ప్రభాకర్ రెడ్డి హెచ్చరించారు. ఆర్టీపీపీ నుంచి ఫ్లైయాష్ తరలింపు విషయంలో అడ్డంకులు సృష్టిస్తే సహించేది లేదని తెలిపారు. ఈమేరకు కడప ఎస్పీకి లేఖ రాశారు. నేటి నుంచి తమ వాహనాలు లోడింగ్‌కు వెళ్తాయని, ఆపితే తేలిగ్గా తీసుకోమని అన్నారు. 1932నుంచి రాజకీయాల్లో ఉన్నామని, తమ ప్రతిష్ఠకు భంగం కలిగిస్తే దేనికైనా సిద్ధమేనని లేఖలో పేర్కొన్నారు.
News November 27, 2024
కంబదూరు మల్లేశ్వర స్వామి ఆలయం.. 100ఏళ్ల క్రితం ఫొటో?
కంబదూరు మల్లేశ్వర స్వామి ఆలయం 100ఏళ్ల నాటి చిత్రాన్ని చూశారా? ఒకప్పుడు ఈ ఆలయం గ్రామానికి దూరంగా చెట్ల మధ్య ఉండటంతో భక్తులు ఉదయం మాత్రమే దర్శించుకునే వారట. సాయంత్రం వేళ ఆలయం మూసి ఉండేదని చరిత్ర చెబుతోంది. ఈ ఆలయం కేంద్ర ప్రభుత్వం ఆధీనంలో ఉంది. సా.శ 11వ శతాబ్దంలో చోళ రాజు నిర్మించారు. ప్రస్తుతం నిత్య పూజలు అందుకుంటున్న మల్లేశ్వర స్వామి ఆలయ పూర్వ చిత్రం తాజాగా వెలుగులోకి రాగా భక్తులను ఆకట్టుకుంటోంది.