News November 24, 2024
కాంగ్రెస్ ‘మహా’ పతనం
మహారాష్ట్ర అసెంబ్లీ ఎన్నికల్లో గతంలో ఎన్నడూ లేని విధంగా కాంగ్రెస్ పతనాన్ని చూసింది. కేవలం 16 సీట్లకే పరిమితమైంది. 1990లో 141 స్థానాల్లో విజయం సాధించగా, 1995లో 80, 1999లో 75, 2004లో 69, 2009లో 82, 2014లో 42, 2019లో 44 సీట్లను గెలుచుకుంది. తాజాగా 20 సీట్లలోపే రావడం కాంగ్రెస్‌కు రాష్ట్ర ప్రజల్లో ఆదరణ తగ్గడాన్ని సూచిస్తుందని విశ్లేషకులు అభిప్రాయపడుతున్నారు.
Similar News
News November 24, 2024
యశస్వీ జైస్వాల్ స్పెషల్ ఇన్నింగ్స్‌కు తెర
ఆస్ట్రేలియాతో జరుగుతున్న తొలి టెస్టులో టీమ్ ఇండియా ఓపెనర్ యశస్వీ జైస్వాల్ (161) ఔటయ్యారు. మిచెల్ మార్ష్ బౌలింగ్‌లో స్మిత్‌కు క్యాచ్ ఇచ్చి పెవిలియన్ చేరారు. కాగా జైస్వాల్ అద్భుత ఇన్నింగ్స్‌ ఆడడంతో ప్రేక్షకులు, ఆటగాళ్లు స్టాండింగ్ ఒవేషన్ ఇచ్చారు. కాగా భారత్ స్కోర్ ప్రస్తుతం 314/3గా ఉంది. క్రీజులో విరాట్ కోహ్లీ (17*), రిషభ్ పంత్ (0*) ఉన్నారు.
News November 24, 2024
బిగ్‌బాస్ నుంచి యష్మీ ఎలిమినేట్?
బిగ్‌బాస్ సీజన్-8 చివరి దశకు చేరింది. దీంతో టాప్-5లో ఎవరు నిలుస్తారు? విజేత ఎవరవుతారనే ఆసక్తి పెరుగుతోంది. ఈవారం నామినేషన్స్‌లో నిఖిల్, పృథ్వీ, ప్రేరణ, యష్మీ, నబీల్ ఉన్నారు. అయితే నిఖిల్, ప్రేరణ, నబీల్ సేవ్ కాగా యష్మీ, పృథ్వీ చివరి రెండు స్థానాల్లో నిలిచారు. వీరిద్దరిలో యష్మీ ఎలిమినేట్ అయ్యారని తెలుస్తోంది. ఇందుకు సంబంధించిన షూట్ నిన్నే పూర్తి కాగా ఇవాళ ఎపిసోడ్ టెలికాస్ట్ కానుంది.
News November 24, 2024
ముస్లిం ఏరియాలో BJP విజయం.. కారణమిదే!
దేశమంతా మహారాష్ట్ర, ఝార్ఖండ్ ఎన్నికల గురించి మాట్లాడుతుంటే UPలో మాత్రం కుందర్కీ నియోజకవర్గం హాట్ టాపిక్‌గా మారింది. 61% ఓట్లున్న ఈ స్థానంలో 31ఏళ్ల తర్వాత BJP అభ్యర్థి రాంవీర్ సింగ్ 1,44,791 ఓట్ల మెజారిటీతో గెలిచారు. ఇక్కడ మొత్తం 12 మంది పోటీ చేస్తే అందులో 11 మంది ముస్లింలుండటం గమనార్హం. కాగా గత MLAపై అసంతృప్తి, కమ్యూనిటీలో అంతర్గత కలహాలు, ఓట్ల చీలికల వల్ల రాంవీర్‌కు విజయం దక్కిందని తెలుస్తోంది.