News November 24, 2024
త్వరలో భారత్‌కు బ్రిటన్ ‘కింగ్’
బ్రిటన్ కింగ్ ఛార్లెస్-3 తన సతీమణి క్వీన్ కెమెల్లాతో కలిసి త్వరలో భారత్‌కు రానున్నారు. తన తల్లి క్వీన్ ఎలిజబెత్-2 మరణంతో 2022లో ఆయన ఇండియా టూర్ రద్దయింది. ఇప్పుడు INDతో పాటు పాక్, బంగ్లాలోనూ ఆయన పర్యటిస్తారు. ఈ ఏడాది క్యాన్సర్ చికిత్స తీసుకుంటూ కోలుకున్న ఆయన OCTలో ఆస్ట్రేలియా నుంచి బ్రిటన్‌కు తిరుగు ప్రయాణంలో బెంగళూరులోని ఓ వెల్‌సెస్ సెంటర్‌కి వెళ్లారు. ఇప్పుడు మరోసారి అక్కడికి వెళ్లే ఛాన్సుంది.
Similar News
News November 24, 2024
బిగ్‌బాస్ నుంచి యష్మీ ఎలిమినేట్?
బిగ్‌బాస్ సీజన్-8 చివరి దశకు చేరింది. దీంతో టాప్-5లో ఎవరు నిలుస్తారు? విజేత ఎవరవుతారనే ఆసక్తి పెరుగుతోంది. ఈవారం నామినేషన్స్‌లో నిఖిల్, పృథ్వీ, ప్రేరణ, యష్మీ, నబీల్ ఉన్నారు. అయితే నిఖిల్, ప్రేరణ, నబీల్ సేవ్ కాగా యష్మీ, పృథ్వీ చివరి రెండు స్థానాల్లో నిలిచారు. వీరిద్దరిలో యష్మీ ఎలిమినేట్ అయ్యారని తెలుస్తోంది. ఇందుకు సంబంధించిన షూట్ నిన్నే పూర్తి కాగా ఇవాళ ఎపిసోడ్ టెలికాస్ట్ కానుంది.
News November 24, 2024
ముస్లిం ఏరియాలో BJP విజయం.. కారణమిదే!
దేశమంతా మహారాష్ట్ర, ఝార్ఖండ్ ఎన్నికల గురించి మాట్లాడుతుంటే UPలో మాత్రం కుందర్కీ నియోజకవర్గం హాట్ టాపిక్‌గా మారింది. 61% ఓట్లున్న ఈ స్థానంలో 31ఏళ్ల తర్వాత BJP అభ్యర్థి రాంవీర్ సింగ్ 1,44,791 ఓట్ల మెజారిటీతో గెలిచారు. ఇక్కడ మొత్తం 12 మంది పోటీ చేస్తే అందులో 11 మంది ముస్లింలుండటం గమనార్హం. కాగా గత MLAపై అసంతృప్తి, కమ్యూనిటీలో అంతర్గత కలహాలు, ఓట్ల చీలికల వల్ల రాంవీర్‌కు విజయం దక్కిందని తెలుస్తోంది.
News November 24, 2024
డిసెంబర్‌లో మోగనున్న పెళ్లి బాజాలు
డిసెంబర్(మార్గశిర)లో పెళ్లి బాజాలు మోగనున్నాయి. ఈ నెలలో బలమైన ముహూర్తాలు ఉన్నాయని పురోహితులు, సిద్ధాంతులు చెబుతున్నారు. డిసెంబర్ 4, 5, 6, 7, 10, 11, 14, 20, 22, 24, 25 తేదీల్లో శుభ ముహూర్తాలు ఉన్నాయని తెలిపారు. దీంతో రెండు తెలుగు రాష్ట్రాల్లో భారీ సంఖ్యలో వివాహాలు జరుగుతాయి. ఇక జనవరిలో మంచి ముహూర్తాలు లేవు. జనవరి 31 నుంచి మార్చి 4 వరకు మాఘమాసంలో ముహూర్తాలు ఉన్నాయి.