News November 24, 2024
పోలీసులు ఎక్కడ పడితే అక్కడ చేతులేశారు: లగచర్ల మహిళలు
TG: <<14585618>>లగచర్లలో<<>> NHRC బృందం పర్యటించి బాధితులతో మాట్లాడింది. ఈ ఘటన జరిగిన రోజు(Nov 11) రాత్రి కరెంట్ తీసేసి తమ ఇళ్లలోకి పోలీసులు దూరి మగవాళ్లను తీసుకెళ్లారని మహిళలు NHRC అధికారులకు చెప్పారు. భర్తలను తీసుకెళ్లవద్దని అడ్డుపడిన తమపై ఎక్కడపడితే అక్కడ చేతులు వేశారన్నారు. అసభ్యంగా తిట్టారని వివరించారు. డెలివరీ చేయించుకోవాలని బతిమాలినా వినలేదని ఓ గర్భిణీ ఆవేదన వ్యక్తం చేసింది.
Similar News
News November 24, 2024
జగన్ వల్లే ప్రజలపై కరెంట్ ఛార్జీల భారం: యనమల
AP: అదానీతో సోలార్ పవర్ ఒప్పందాల విషయంలో మాజీ సీఎం జగన్ క్విడ్ ప్రో కోకు పాల్పడ్డారని టీడీపీ పొలిట్‌బ్యూరో సభ్యుడు యనమల రామకృష్ణుడు ఆరోపించారు. దీనిపై సీబీఐ విచారణ జరిపించాలని డిమాండ్ చేశారు. జగన్ అవినీతి వల్లే ప్రజలపై కరెంట్ ఛార్జీల భారం పడుతోందన్నారు. తాము కేంద్ర ప్రభుత్వ సంస్థ సెకీతో ఒప్పందం చేసుకున్నట్లు వైసీపీ తప్పుడు ప్రచారం చేస్తోందని విమర్శించారు.
News November 24, 2024
నాగచైతన్య-శోభిత పెళ్లి స్ట్రీమింగ్ ఎక్కడంటే?
ఈ మధ్య కాలంలో సినీ ప్రముఖుల వివాహ వేడుకల స్ట్రీమింగ్‌కు భారీ డిమాండ్ ఏర్పడింది. వచ్చే నెలలో ఒక్కటి కానున్న నాగచైతన్య, శోభిత దూళిపాళ వివాహం స్ట్రీమింగ్ రైట్స్‌ను నెట్‌ఫ్లిక్స్ దక్కించుకున్నట్లు తెలుస్తోంది. దీనికోసం రూ.50 కోట్లు వెచ్చించినట్లు సమాచారం. కాగా ఈ జోడీ అతికొద్ది మంది సన్నిహితుల సమక్షంలో అన్నపూర్ణ స్టూడియోస్‌లో డిసెంబర్ 4న వివాహం చేసుకోనుంది.
News November 24, 2024
గవర్నర్‌ను కలవనున్న హేమంత్ సోరెన్
ఝార్ఖండ్ సీఎం హేమంత్ సోరెన్ ఈరోజు గవర్నర్‌ను కలవనున్నారు. ఆయన పార్టీ JMM స్పష్టమైన మెజారిటీ సాధించిన విషయం తెలిసిందే. నవంబర్ 26న ప్రభుత్వం ఏర్పాటు చేయనున్నారు. ఈనేపథ్యంలోనే ఆయన ఈరోజు గవర్నర్ సంతోష్ గంగ్వార్‌తో భేటీ కానున్నారు. కాగా ఈ ఎన్నికల్లో 81 అసెంబ్లీ స్థానాలకు గానూ JMM కూటమి 56 చోట్ల గెలిచింది.