News November 24, 2024
గవర్నర్‌ను కలవనున్న హేమంత్ సోరెన్
ఝార్ఖండ్ సీఎం హేమంత్ సోరెన్ ఈరోజు గవర్నర్‌ను కలవనున్నారు. ఆయన పార్టీ JMM స్పష్టమైన మెజారిటీ సాధించిన విషయం తెలిసిందే. నవంబర్ 26న ప్రభుత్వం ఏర్పాటు చేయనున్నారు. ఈనేపథ్యంలోనే ఆయన ఈరోజు గవర్నర్ సంతోష్ గంగ్వార్‌తో భేటీ కానున్నారు. కాగా ఈ ఎన్నికల్లో 81 అసెంబ్లీ స్థానాలకు గానూ JMM కూటమి 56 చోట్ల గెలిచింది.
Similar News
News November 24, 2024
అమ్ముడుపోని పడిక్కల్
టీమ్ ఇండియా లెఫ్ట్ హ్యాండ్ బ్యాటర్ దేవదత్ పడిక్కల్ అన్‌సోల్డ్‌గా నిలిచారు. రూ.2 కోట్ల బేస్ ప్రైజ్‌తో వేలంలోకి వచ్చిన ఇతడిని తీసుకోవడానికి ఏ జట్టూ ఆసక్తి చూపకపోవడంతో అన్‌సోల్డ్‌గా మిగిలారు. గత సీజన్లలో బెంగళూరు, రాజస్థాన్, తదితర జట్లకు ఆడారు. 64 మ్యాచుల్లో 1559 రన్స్ చేశారు.
News November 24, 2024
హ్యారీ బ్రూక్‌కు రూ.6.25కోట్లు
హార్డ్ హిట్టర్ హ్యారీ బ్రూక్‌ను ఢిల్లీ క్యాపిటల్స్ రూ.6.25కోట్లకు కొనుగోలు చేసింది. గత సీజన్లో ఢిల్లీ తరఫున ఆడిన ఇతను రూ.2కోట్ల బేస్ ప్రైజ్‌తో వేలంలోకి వచ్చారు. చెన్నై, పంజాబ్, ఢిల్లీ బ్రూక్ కోసం పోటీ పడ్డాయి. ఐపీఎల్‌లో ఇతను 190 రన్స్ చేయగా, 123 స్ట్రైక్ రేట్ ఉంది.
News November 24, 2024
బలపడిన అల్పపీడనం.. 27 నుంచి భారీ వర్షాలు
AP: ఆగ్నేయ బంగాళాఖాతం, హిందూ మహాసముద్రంలో కేంద్రీకృతమైన అల్పపీడనం బలపడిందని APSDMA వెల్లడించింది. ఇది రేపు వాయుగుండంగా మారుతుందని తెలిపింది. ఆ తర్వాత వాయవ్య దిశగా తమిళనాడు, శ్రీలంక తీరాలవైపు కదులుతుందని పేర్కొంది. దీని ప్రభావంతో ఈనెల 27 నుంచి 30 వరకు కోస్తాంధ్రలో అక్కడక్కడా భారీ వర్షాలు కురిసే అవకాశం ఉందని చెప్పింది.